बीड लाडकी बहीण योजना: बँकेत अनेक चकरा मारूनही पैसे नाही, संतापलेल्या महिलांची मागणी

Beed Ladaki Bahin Yojana : बीड लाडकी बहीण योजनेंतर्गत महिलांना त्यांच्या हक्काचे पैसे मिळण्यास कठीणाई होत आहे. महिला बँकेत अनेकदा जाऊन देखील पैसे मिळत नाहीत. त्यामुळे त्या संतापलेल्या आहेत. बँकेत तासंतास थांबून देखील उत्तर मिळत नसल्यामुळे महिलांनी आपला संताप व्यक्त केला आहे. या महिलांनी लाडकी बहीण योजना अंतर्गत वेळीच पैसे मिळावेत,अशी मागणी सरकारकडे केली आहे. बँकेच्या अधिकारी आणि कर्मचार्‍यांनी आम्हाला स्पष्ट माहिती देऊन तातडीने या समस्येचं निराकरण करावं, असे महिलांचे म्हणणे आहे. बीडमधील महिलांनी सांगितले की लाडकी बहीण योजनेंतर्गत मिळणारे पैसे हा त्यांचा हक्क आहे आणि त्यावर त्यांना जगण्याचा आधार आहे. परंतु, बँकेतील प्रक्रियेमुळे त्यांना हा हक्क मिळण्यात अडचणी येत आहेत. यामुळे त्यांच्या दैनंदिन जीवनावर परिणाम होत आहे. बँकेच्या व्यवस्थापनाने याकडे लक्ष देऊन समस्येचे निराकरण करावे, अशी महिलांची मागणी आहे.