Uttarakhand Flood : संपूर्ण पूल वाहून गेला, कॅमेऱ्यात धडकी भरवणारे दृश्य कैद

घटनेची माहिती मिळताच स्थानिक प्रशासन, एसडीआरएफ आणि एनडीआरएफच्या तुकड्यांना तात्काळ मदत व बचाव कार्यासाठी घटनास्थळी रवाना करण्यात आले आहे. पूल कोसळल्यामुळे प्रशासनाने आजूबाजूच्या रस्त्यांवरील वाहतूक पूर्णपणे बंद केली आहे. या परिस्थितीची गंभीर दखल घेत उत्तराखंडचे मुख्यमंत्री पुष्कर सिंह धामी यांनी अधिकाऱ्यांना तातडीने मदतकार्य करण्याचे निर्देश दिले आहेत. संपर्क तुटलेल्या बारा गावांमध्ये अन्नधान्य, औषधे आणि इतर जीवनावश्यक वस्तूंचा तुटवडा भासू नये यासाठी विशेष काळजी घेण्याच्या सूचना त्यांनी दिल्या आहेत. तसेच नदीकाठच्या सखल भागात राहणाऱ्या नागरिकांना सतर्क राहण्यास सांगण्यात आले असून, प्रशासकीय यंत्रणा परिस्थितीवर बारीक लक्ष ठेवून आहे. आपत्ती व्यवस्थापन पथके बेपत्ता चालकाचा शोध घेण्यासाठी सर्वतोपरी प्रयत्न करत आहेत.