'सरकारला त्याची किंमत योग्य वेळी कळेल, शरद पवारांनी नेमका कशाबाबत दिला इशारा?

नेमकं काय म्हणाले शरद पवार?

पवार यांनी म्हटलं की, सुरुवातीला किरकोळ दरवाढ करण्यात आली, मात्र नंतर पेट्रोल, डिझेल आणि एलपीजी गॅसच्या किमती सातत्याने वाढत गेल्या. त्यामुळे सर्वसामान्य कुटुंबांचे मासिक बजेट कोलमडत आहे. पंतप्रधानांनी महागाई नियंत्रणात असल्याचा दावा केला होता, पण प्रत्यक्षात "हळूहळू किंमती वाढवत जनतेला धक्के देणे हेच सरकारचे सूत्र दिसत आहे," अशी टीका त्यांनी केली. 

राजकीय अर्थ काय?

पवार यांची ही टीका केवळ गॅस दरवाढीपुरती मर्यादित नसून आगामी स्थानिक स्वराज्य संस्था, महापालिका आणि इतर निवडणुकांच्या पार्श्वभूमीवर महागाईचा मुद्दा केंद्र सरकारविरोधात अधिक आक्रमकपणे उचलण्याची रणनीती मानली जात आहे. विरोधी पक्ष महागाई, इंधन दरवाढ आणि वाढता जीवनावश्यक खर्च हे प्रमुख निवडणूक मुद्दे बनवण्याचा प्रयत्न करत आहेत.