Pakistan Cricket player Usama Meer : पाकिस्तानचा उदयोन्मुख फलंदाज उसामा मीरने टी-20 सामन्यात दहशत निर्माण केली. त्याने एकाच षटकात पाच षटकार आणि एक चौकार मारत 34 धावा केल्या. उसामा मीर गनी रमजान टूर्नी 2023 मध्ये गनी इन्स्टिट्यूट ऑफ क्रिकेट (GIC) संघाकडून खेळत होता. कराची वॉरियर्सच्या गोलंदाजांचा समाचार घेत त्याने अवघ्या 20 चेंडूत 66 धावा केल्या आणि तो त्याच्या संघाचा सर्वाधिक धावा करणारा फलंदाज ठरला. उसामा मीरच्या स्फोटक खेळीमुळे त्याच्या संघाने सहा गड्यांच्या मोबदल्यात 236 धावा केल्या. नाणेफेक हरल्यानंतर त्यांचा संघ प्रथम फलंदाजी करत होता. (The Pakistan player scored 34 runs in a single over)

भारतीय संघाच्या कामगिरीवर पाकिस्तान प्रभावित, आफ्रिदीने केलं मोठं वक्तव्य

उसामाने इमरान बट नावाच्या गोलंदाजाला लक्ष्य केले, ज्याने तीन षटकात 48 धावा दिल्या. उसामाकडून धुलाई होण्यापूर्वी त्याने दोन षटकांत केवळ 14 धावा दिल्या. इम्राननेही दोन विकेट घेतल्या. नंतर कराची वॉरियर्सच्या फलंदाजीदरम्यान पावसाने व्यत्यय आणला आणि सामना पूर्ण होऊ शकला नाही. अशा स्थितीत सामना अनिर्णित राहिला आणि दोन्ही संघांना प्रत्येकी एक गुण मिळाला. या निकालानंतर जीआयसीचा संघ गुणतालिकेत अव्वल तर कराची तळाला गेला.

भारतीय खेळाडूंची कॉन्ट्रॅक्ट यादी जाहीर; जडेजा-पंड्याला बढती तर केएलला झटका

उसामा मीर कोण आहे?

उसामाने जानेवारी 2023 मध्ये पाकिस्तानसाठी वनडे पदार्पण केले. तो आतापर्यंत तीन वनडे खेळला आहे ज्यात त्याने चार विकेट घेतल्या आहेत. तो मुळात गोलंदाज आहे पण रमजान स्पर्धेत त्याने आपल्या फटकेबाजीने सर्वांचे लक्ष वेधून घेतले आहे. त्याने आतापर्यंत 17 प्रथम श्रेणी सामने खेळले आहेत आणि 451 धावा करत 28 बळी घेतले आहेत. त्याने 43 लिस्ट ए सामन्यात 67 विकेट आणि 300 धावा केल्या आहेत. उसामाने 78 टी-20 सामने खेळले असून त्यात त्याने 71 विकेट घेतल्या आहेत. तो पाकिस्तान सुपर लीगमधील मुलतान सुलतान संघाचा भाग आहे.

गनी रमजान टूर्नी 2023 मध्ये आठ संघ सहभागी होत आहेत. या प्रत्येक संघात दोन आंतरराष्ट्रीय खेळाडू आहेत. पाकिस्तानमध्ये रमजानच्या महिन्यात रात्री देशभर क्रिकेटचे सामने खेळले जातात. सध्या अशा किमान दोन डझन स्पर्धा खेळल्या जात आहेत. पाकिस्तानचा कर्णधार बाबर आझम, शादाब खान, एहसानुल्लाह, आझम खान, उस्मान कादिर, उमर अकमल, एहसान अली आणि आबिद अली यांसारखे स्टार्स या स्पर्धेत खेळत आहेत.

पाकिस्तानी Imran Khan यांचं लव्ह-लाइफ खूपच रंजक! बॉलिवूड अभिनेत्रीसोबतही होतं अफेअर…