Tokyo Olympics : अंतिम फेरीआधी पाकिस्तानचा अर्शद माझा भाला घेऊन फिरत होता – Neeraj Chopra चा खुलासा

टोकियो ऑलिम्पिकच्या अखेकरच्या दिवशी नीरज चोप्राने भालाफेकीत सुवर्णपदकाची कमाई करत कोट्यवधी भारतीयांना आनंद साजरा करायची संधी दिली. या ऐतिहासिक कामगिरीनंतर सर्वच स्तरातून नीरज चोप्रावर अभिनंदनाचा वर्षाव सुरु आहे. ८७.५८ मी. लांब भाला फेकत नीरजने सुवर्णपदकावर आपलं नाव कोरलं. परंतू अंतिम फेरीवेळी एका गोष्टीमुळे नीरजला उशीर झाला, ज्यावरुन सोशल मीडियावर सध्या चांगलाच वाद सुरु आहे.

अंतिम फेरीत नीरज चोप्राचा भाला फेकण्यासाठीचा दुसरा नंबर होता. परंतू ज्यावेळी नीरज चोप्राची भाला फेकण्याची वेळ आली त्यावेळी त्याला आपला भाला सापडत नव्हता. अखेरीस नीरजला आपला भाला पाकिस्तानी खेळाडू अर्शद नदीमच्या हातात सापडला.

भालाफेकीत प्रत्येक खेळाडूला आपली संधी पूर्ण करण्यासाठी एक ठराविक वेळ मिळते. पाकिस्तानी खेळाडूच्या या वागणुकीमुळे नीरज चोप्राचं फायनलवेळी लक्ष विचलीत होऊ शकलं असतं. परंतू सुदैवाने असं काही झालं नाही आणि नीरजने सुवर्णपदकावर आपलं नावं कोरलं.

Tokyo Olympics मध्ये सुवर्णाध्याय लिहिणाऱ्या Neeraj Chopra चं महाराष्ट्र कनेक्शन माहिती आहे का?