Raj Thackeray: 'CM पद दिलं असतं तर मोदींविरोधात बोलले असते का?', राज ठाकरेंचा भावाला खडा सवाल!

Lok Sabha Election 2024: मुंबई: 'यांना सत्तेवरून हाकलवलंय.. काढले, यांचे पक्ष फुटले म्हणून हे विरोधात गेलेत.. यांना मुख्यमंत्री पद दिलं असतं तर बोलले असते का? समजा त्यावेळेस बोलले असते की, मुख्यमंत्री पद पहिला चान्स तुमचा.. तर मोदींबद्दल बोलले असते का?' असं म्हणत राज ठाकरेंनी माजी मुख्यमंत्री आणि आपले चुलत भाऊ उद्धव ठाकरेंवर टीका केली. (lok sabha election 2024 if he had been given the post of cm would he have spoken against modi raj thackeray asked uddhav thackeray)

राज ठाकरे यांनी नरेंद्र मोदी आणि भाजपला बिनशर्त पाठिंबा दिल्याने त्यांच्यावर विरोधकांकडून टीका केली जात आहे. याच टीकेनंतर आता राज ठाकरेंनी देखील विरोधकांना धारेवर धरलं आहे. बोल भिडू या यूट्यूब चॅनलला दिलेल्या मुलाखतीत महाविकास आघाडीवर जोरदार हल्ला चढवलाय.  

'यांना सत्तेवरून हाकलवलं, म्हणून आता...'

'मी आता फक्त मोदींना समर्थन केलंय. हा विषय लोकसभेच्या दृष्टीकोनातून नरेंद्र मोदी यांना पाठिंबा देण्याचा हा विषय आहे. मी त्यांच्यावर टीकाही प्रचंड केली. त्याची कारणंही मी त्या सभेमध्ये दिली. मी आतापर्यंत जे बोललोय.. हे आताचे जे पक्ष आहेत त्यापैकी काही बोलत देखील नाही. काही तरी थातूरमातूर बोलत देखील नाही.'

हे ही वाचा>> 'एवढ्या जागा जिंकणार', पवारांनी सांगितलेला आकडा ठरणार खरा?