पतीच्या अनैतिक संबंधांची माहिती मिळाली, महिलेने मध्यरात्री बेडरुममध्ये केली आत्महत्या

हेही वाचा : पेपर फोडणाऱ्यांना चाप लावण्यासाठी मोदी सरकारचं मोठं पाऊल, परीक्षा सुधारणा विधेयक संसदेत सादर

पतीच्या कथित विवाहबाह्य संबंधांची माहिती मिळाली अन्

सानिकाचे लग्न चिक्कमंगळुरू येथील नागराज उर्फ शरण गौडा याच्यासोबत सुमारे दीड वर्षांपूर्वी झाले होते. नागराज हा कॅब चालक असून सानिका गृहिणी होती. पोलिसांच्या प्राथमिक माहितीनुसार, काही महिन्यांपूर्वी सानिकाला पतीच्या कथित विवाहबाह्य संबंधांची माहिती मिळाली होती. यानंतर तिने पतीला याबाबत जाब विचारला होता आणि संबंधित महिलेला पुन्हा भेटू नये, अशी ताकीदही दिली होती. मात्र, त्यानंतर नागराजने दुसऱ्या महिलेसोबतचे संभाषण असलेली एक ऑडिओ क्लिप सानिकाला पाठवली होती. या ऑडिओ क्लिपमधून त्याच्या कथित विवाहबाह्य संबंधांचा उल्लेख असल्याचे सांगितले जात आहे.

हेही वाचा : कॉकरोच जनता पार्टी आता पंजाबमधील 'त्या' मुद्द्यावरही बोलणार, अभिजीत दिपकेंनी सगळं सांगितलं

आत्महत्या करण्यापूर्वी पतीला व्हिडिओ कॉल

या घटनेनंतर सानिका मानसिकदृष्ट्या खचली होती. हा वाद मिटवण्यासाठी दोन्ही कुटुंबीयांमध्ये चर्चा देखील झाली होती. मात्र, त्यातून कोणताही तोडगा निघाला नसल्याचे पोलिसांनी सांगितले आहे. कुटुंबीयांच्या म्हणण्यानुसार, या वादामुळे सानिका नैराश्यात गेली होती. आत्महत्या करण्यापूर्वी तिने पतीला व्हिडिओ कॉल करून आपण आयुष्य संपवत असल्याची माहिती दिल्याचा आरोप करण्यात आला आहे. त्यानंतर तिने गळफास घेऊन आत्महत्या केल्याचे प्राथमिक तपासातून समोर आले आहे.

सानिकाच्या वडिलांनी दिलेल्या तक्रारीवरून पोलिसांनी हुंडाबळीचा गुन्हा दाखल केला आहे. या प्रकरणाचा पुढील तपास सुरू असून घरातून कोणतीही सुसाईड नोट मिळालेली नसल्याची माहिती एका वरिष्ठ पोलीस अधिकाऱ्यांनी दिली आहे. पोलिसांकडून या संपूर्ण घटनेचा तपास सुरू असून तक्रारीतील आरोपांच्या अनुषंगाने पुढील कारवाई केली जात आहे.