नीटमध्ये कमी गुण मिळाल्याने विद्यार्थिनीची आत्महत्या, अहिल्यानगरातील घटना; सर्वत्र हळहळ

हेही वाचा : Gen Z आंदोलन: ज्येष्ठ संपादक राजदीप सरदेसाईंनी सांगितल्या 'त्या' 5 मोठ्या गोष्टी, ज्यांनी बदलली देशाच्या राजकारणाची दिशा!

नीट परीक्षेत 166 गुण मिळाले अन् अंकिता नैराश्यात गेली 

मिळालेल्या माहितीनुसार, अहिल्यानगर जिल्ह्यातील कर्जत तालुक्यातील जलालपूर येथे राहणारी अंकिता सांगळे ही नीट परीक्षेची विद्यार्थिनी होती. तिला नीट परीक्षेत 166 गुण मिळाले होते. अपेक्षेपेक्षा कमी गुण मिळाल्यामुळे ती गेल्या काही दिवसांपासून मानसिक तणावात होती. शनिवारी दुपारच्या सुमारास घरात कोणीही नसल्याची संधी साधून अंकिताने गळफास घेत आत्महत्या केली. ही घटना उघडकीस आल्यानंतर कुटुंबीयांवर दुःखाचा डोंगर कोसळला.

हेही वाचा : "खड्डा मंत्री नाही, रस्ता मंत्री इथेनॉलवर..",उद्धव ठाकरेंचा नितीन गडकरींवर प्रहार

जंतर-मंतरवरील आंदोलन संपुष्टात

विशेष म्हणजे, ज्या दिवशी केंद्रीय शिक्षणमंत्री धर्मेंद्र प्रधान यांच्या राजीनाम्याची चर्चा सुरू होती आणि जंतर-मंतरवरील आंदोलन संपुष्टात आले, त्याच काळात अंकिताने आपले जीवन संपवले. नीट परीक्षेतील कमी गुणांमुळे ती प्रचंड तणावाखाली होती, अशी माहिती समोर आली आहे. या घटनेमुळे विद्यार्थ्यांवरील शैक्षणिक दबाव आणि मानसिक तणावाचा मुद्दा पुन्हा चर्चेत आला आहे.

या प्रकरणी कर्जत पोलिसांनी आत्महत्येची नोंद केली असून पुढील तपास सुरू आहे. अंकिताच्या मृत्यूमागील सर्व परिस्थितीची चौकशी पोलीस करत आहेत. सध्या या घटनेबाबत अधिक तपास कर्जत पोलीस करत असून तपासानंतर पुढील माहिती समोर येण्याची शक्यता आहे.