उद्धव ठाकरे, मुकेश अंबानी, सचिन वाझे आणि अँटेलिया प्रकरणी राज ठाकरे म्हणतात..
. उद्धव ठाकरे आणि व्यावसिक मुकेश अंबानी यांच्यातले परस्पर संबंध खूप चांगले आहेत. सचिन वाझे पोलीस खात्यात आल्यानंतर निलंबित झाला होता, त्यानंतर त्याला शिवसेनेत प्रवेश देण्यात आला. सचिन वाझे हा देखील उद्धव ठाकरेंच्या जवळचा आहे. अशात प्रश्न हा आहे की मुख्यमंत्र्यांच्या जवळच्या माणसाने म्हणजेच सचिन वाझेने मुकेश अंबानी यांच्या घराबाहेर स्फोटकांनी भरलेली गाडी का ठेवली? […]
ADVERTISEMENT
. उद्धव ठाकरे आणि व्यावसिक मुकेश अंबानी यांच्यातले परस्पर संबंध खूप चांगले आहेत. सचिन वाझे पोलीस खात्यात आल्यानंतर निलंबित झाला होता, त्यानंतर त्याला शिवसेनेत प्रवेश देण्यात आला. सचिन वाझे हा देखील उद्धव ठाकरेंच्या जवळचा आहे. अशात प्रश्न हा आहे की मुख्यमंत्र्यांच्या जवळच्या माणसाने म्हणजेच सचिन वाझेने मुकेश अंबानी यांच्या घराबाहेर स्फोटकांनी भरलेली गाडी का ठेवली? मूळ प्रश्न हा आहे. त्याचं उत्तर काय ते काहीच कळत नाही असं वक्तव्य मनसे अध्यक्ष राज ठाकरे यांनी औरंगबादमध्ये केलं आहे. आज राज ठाकरेंना सचिन वाझेसंबंधी एक प्रश्न विचारण्यात आला. त्यानंतर त्यांनी ही प्रतिक्रिया दिली आहे.
अनिल देशमुख आणि त्यांच्या सहकाऱ्यांनी 100 कोटी खंडणीचं टार्गेट दिलं नव्हतं, पैसेही घेतले नाहीत-सचिन वाझे
काय म्हणाले आहेत राज ठाकरे?
आपण मूळ विषय बाजूला ठेवतो आहे. नको त्या विषयांमध्ये सगळं प्रकरण फिरवलं जातं. तुमचा (माध्यमांचा) वापरच केला जातो आहे. जे तुम्हाला दिलं जातं ते तुम्ही छापता. आता ते आर्यन खान प्रकरण 28 दिवस सुरू होतं. 28 दिवस हे प्रकरण चघळण्यात आलं. नंतर कुणी विचारलंही नाही आर्यन खानला. सुशांतसिंग प्रकरणातही असंच घडलं.