उद्धव ठाकरेंच्या हातात राज्य आलं आहे की त्यांच्यावर राज्य आलं आहे? राज ठाकरेंचा मिश्कील प्रश्न

राज ठाकरे यांनी आज पत्रकार परिषद घेतली. त्यांनी राज्यातील वाढता कोरोना, लॉकडाऊन आणि त्यासंदर्भात मुख्यमंत्र्यांसोबत झालेली चर्चा यावर भाष्य केलं. मुख्यमंत्री उद्धव ठाकरे आणि मनसेचे अध्यक्ष राज ठाकरे यांच्यात झूम मिटिंगद्वारे चर्चा झाली. या चर्चेत राज ठाकरेंनी अनेक सूचना मुख्यमंत्री उद्धव ठाकरेंना केल्या. शेतकऱ्यांना मदत करणं असेल, सलून चालवणं असेल, इतर अनेक प्रश्नांबाबत राज ठाकरेंनी उद्धव ठाकरेंना सूचना केल्या. या सूचना उद्धव ठाकरेंनी सकारात्मकपणे घेतल्या आहेत. या सूचनांवर विचार करून योग्य तो निर्णय घेऊ असंही उद्धव ठाकरेंनी सांगितल्याचं राज ठाकरेंनी सांगितलं. “सध्या दहावी-बारावीचे विद्यार्थी कोणत्या मानसिकतेमधून जात असतील याची आपल्याला कल्पनाही नाही. कुठून अभ्यास करणार, कशी परीक्षा देणार, त्याला निकाल कधी लागणार..कसा लागणार याची आपल्याला कल्पनाही नाही. त्यामुळे या विद्यार्थ्यांना सरळ प्रमोट करण्याची मागणी मी मुख्यमंत्र्यांकडे केली आहे. इतर विद्यार्थ्यांप्रमाणे या विद्यार्थ्यांनाही प्रमोट करण्यात यावं.”

दहावी-बारावीच्या विद्यार्थ्यांना प्रमोट करा – राज ठाकरेंची मुख्यमंत्र्यांकडे मागणी

दहावी बारावीच्या मुलांबाबत काय म्हणाले राज ठाकरे?

“सध्या दहावी-बारावीचे विद्यार्थी कोणत्या मानसिकतेमधून जात असतील याची आपल्याला कल्पनाही नाही. कुठून अभ्यास करणार, कशी परीक्षा देणार, त्याला निकाल कधी लागणार..कसा लागणार याची आपल्याला कल्पनाही नाही. त्यामुळे या विद्यार्थ्यांना सरळ प्रमोट करण्याची मागणी मी मुख्यमंत्र्यांकडे केली आहे. इतर विद्यार्थ्यांप्रमाणे या विद्यार्थ्यांनाही प्रमोट करण्यात यावं.”