Pune DCP, साजूक तुपातल्या फुकट बिर्याणीचा फोन व्हायरल आणि गृहमंत्र्यांनी दिले चौकशीचे आदेश

पुण्यातील महिला पोलीस अधिकाऱ्याचं फोनवरचं संभाषण चांगलंच गाजतं आहे. गुरूवारपासूनच यासंदर्भातली एक फोन ऑडिओ क्लिप ही व्हायरल झाली आहे. या फोन रेकॉर्डिंगमध्ये डीसीपी मॅडम त्यांच्या कर्मचाऱ्याला साजूक तुपातली बिर्याणी आणण्यास सांगत आहेत. प्रॉन्स, चिकन बिर्याणी आणि स्टार्टर्स घेऊन ये. आपलाच एरिया आहे त्यामुळे पैसे देऊ देण्याची काय गरज? PI ला सांग वगैरे असे उल्लेख यामध्ये आहेत. हा फोन पुणे डीसीपी यांच्या नावाने व्हायरल झाला आहे. आता या प्रकरणी महाराष्ट्राचे गृहमंत्री दिलीप वळसे पाटील यांनी चौकशीचे आदेश दिले आहेत.