Shivrajyabhishek Din 2021 : साताऱ्यात जलमंदीर पॅलेसमध्ये पार पडला राज्याभिषेक सोहळा

Shivrajyabhishek Din 2021 : शिवराज्याभिषेक सोहळा थाटात संपन्न

जलमंदीर पॅलेसमध्ये उदयनराजे भोसलेंच्या हस्ते शिवाजी महाराजांच्या प्रतिमेचं विधीवत पूजन करुन त्यांना वंदन करण्यात आलं. राज्याभिषेकाच्या माध्यमातून शिवाजी महाराजांनी १८ पगड जातीतील लोकांना एकत्र आणून जुलमी राजवटीला आव्हान दिलं. आजचा दिवस हा भारतासाठी पहिला स्वातंत्र्यदीन असल्याचंही उदयनराजेंनी म्हटलंय.

जलमंदिर पॅलेस येथे आज श्री शिवराज्याभिषेक सोहळा मोठ्या उत्साहात पार पडला. त्यानंतर पत्रकार मित्रांशी सविस्तर संवाद साधला.https://t.co/wkBMhaPOM4#शिवराज्याभिषेक pic.twitter.com/8MdW6rOSJq

— Chhatrapati Udayanraje Bhonsle (@Chh_Udayanraje) June 6, 2021

श्री शिवराज्याभिषेक दिन भारताचा पहिला स्वातंत्र्यदिन.
राज्याभिषेकाच्या माध्यमातून महाराजांनी जुलमी राजवटी उलथवून टाकून नवं स्वराज्य स्थापन केले. त्यांचे हे कार्य असामान्य स्वरूपाचे होते. राज्याभिषेक ही संपूर्ण देशात लोकशाही राज्याची संकल्पना साकारणारी घटना होती.#शिवराज्याभिषेक pic.twitter.com/klz5XqxtCB

— Chhatrapati Udayanraje Bhonsle (@Chh_Udayanraje) June 5, 2021

भारतात असे अनेक राजे दिसतील की ज्यांनी स्वतःला राजे म्हणून मिरवून घेतलं. पण शिवाजी राजेंनी कधीही स्वतःला राजे म्हणून मिरवलं नाही. पूर्वीच्या काळात असलेली लोकशाही आता राहिलेली नाही. पुर्वी गुण्या-गोविंदाने राहणारी माणसं आता वेगळी झाली आहेत, त्यांच्यात दरी निर्माण करण्यात आली याचा विचार सर्वांनी करायला हवा असं उदयनराजेंनी म्हटलं आहे.

Shivrajyabhishek Din 2021 : रायगडावर आई शिरकाईचा गोंधळ