'इंद्राणी मुखर्जीला अडकवण्यासाठी...', तब्बल 10 वर्षानंतर शीना बोरा हत्या प्रकरणात खळबळजनक खुलासा!
2015 मध्ये झालेल्या एका हाय प्रोफाइल मर्डरने संपूर्ण देश हादरून गेला होता. तब्बल 10 वर्षांनंतर या केसमधील महत्त्वाची साक्षीदार विधी मुखर्जीने धक्कादायक खुलासे केले.
ADVERTISEMENT
बातम्या हायलाइट
शीना बोरा मर्डर केसमध्ये साक्षीदाराचा खळबळजनक खुलासा!
तब्बल 10 वर्षांनंतर समोर आल्या 'त्या' गोष्टी
Sheena Bora murder case: 2015 मध्ये झालेल्या एका हाय प्रोफाइल मर्डरने संपूर्ण देश हादरून गेला होता. एका श्रीमंत घरातील मुलगी शीना बोराची हत्या करण्यात आली होती आणि या हत्येप्रकरणी मृताची आई इंद्राणीला मुखर्जीला आरोपी ठरवण्यात आलं. सीबीआयने या प्रकरणाचा तपास केला आणि यामध्ये विधी मुखर्जी ही महत्त्वाच्या साक्षीदार होती. तब्बल 10 वर्षांनंतर तिने धक्कादायक खुलासे केले. विधीच्या म्हणण्यानुसार, तिच्या नावावर सीबीआयने खोटे जबाब नोंदवले होते. कोर्टात तिच्या नावाने केलेले जबाब खोटे आणि बनावट असल्याचं तिने सांगितलं. यामुळे ही केस आणखी एकदा चर्चेचा विषय ठरली आहे.
आपल्या नावावर असे खोटे आणि बनावट जबाब नोंदवण्यामागे नक्कीच वाईट विचार असल्याचा विधी मुखर्जीने दावा केला. तसेच, पोलिसांच्या चौकशीदरम्यान, ती एकटी नव्हती. तिच्यासोबत नेहमी तिचे सावत्र वडील पीटर मुखर्जी, बहीण शंगोन दास गुप्ता आणि मुलगा राबिन मुखर्जी उपस्थित होते.
सावत्र वडील आणि भावांवर केला आरोप
विधी मुखर्जीने आरोप केला की तिचे सावत्र वडील तपास अधिकाऱ्यांना माहिती पुरवत असायचे. शीना बोरा प्रकरणात इंद्राणी मुखर्जी आरोपी असून सह-आरोपी संजीव खन्ना आहेत. विधी मुखर्जी ही संजीव खन्ना यांची मुलगी आहे. विधीने पीटर मुखर्जी यांचे मुलगा राहुल आणि रॉबिन यांच्यावरही आरोप केले आहेत. तिने म्हटलं की राहुल आणि रॉबिनने त्यांच्या आईची मालमत्ता हडप केली.
विधीच्या म्हणण्यानुसार, इंद्राणी मुखर्जीच्या अटकेनंतर 15 दिवसांच्या आत, कोट्यवधी रुपयांचे वडिलोपार्जित दागिने आणि 7 कोटी रुपये बँक बचत खात्यातून काढण्यात आले. हे सर्व पीटरच्या संमतीने घडले. विधीने कोर्टात सांगितलं की, "माझ्या वडिलांना नोव्हेंबर 2015 मध्ये राहुल आणि रबिन यांना अटक केली होती. त्यांनी हे दागिने त्याच्या खूप आधीच घेतले होते."
हे वाचलं का?
