आधी पत्नीची निर्घृण हत्या अन् नंतर ट्रेनसमोर उडी घेऊन पतीची आत्महत्या! अनैतिक संबंधाच्या संशयातून भयंकर घटना...

घटनेची माहिती मिळताच पोलीस घटनास्थळी पोहोचले. फूलवती (36) अशी पीडित महिलेची ओळख समोर आली असून तिचा पती रामप्रसाद याला आपल्या पत्नीच्या चारित्र्यावर संशय होता. याच कारणावरून त्यांच्यात वाद झाला. घटनेच्या दिवशी, आरोपी रामप्रसादने दारूच्या नशेत पीडितेला मारहाण केली आणि याच मारहाणीदरम्यान तिचा जागीच मृत्यू झाला. पत्नीचा मृत्यू झाल्याचं समजताच आरोपी पती अतिशय घाबरला आणि त्याने तिचा मृतदेह नाल्याच्या कडेला फेकून तिथून पळ काढला. 

हे ही वाचा: 12 वीत शिकणाऱ्या तरुणीचे प्रायव्हेट फोटो व्हायरल केले; शेवटी, झोपलेल्या अवस्थेत डोक्यात गोळी घालून तिला संपवलं!

पोलिसांचा तपास 

रेल्वे ट्रॅकवर अज्ञात व्यक्तीचा मृतदेह आढळल्याची माहिती मिळताच पोलीस तातडीने घटनस्थळी पोहोचले आणि तरुणाचा मृतदेह ताब्यात घेतला. घटनास्थळी पोलिसांना एका तुटलेला मोबाईल फोन सुद्धा सापडला. तपासात समोर आलं की फुलवतीची हत्या केल्यानंतर रामप्रसादला पश्चात्ताप झाला आणि त्यानंतर, 15 किलोमीटर अंतरावर त्याने ट्रेनसमोर उडी मारून आत्महत्या केली. 

मिळालेल्या माहितीनुसार, मृत फुलवती आणि आरोपी रामप्रसाद यांना दोन मुले होती, खरं तर, फुलवती 15 दिवसांपूर्वीच घर सोडून गेली होती, त्यामुळे रामप्रसाद प्रचंड रागावला होता. त्याने तिच्या चारित्र्यावर संशय घेतला. ती परत आल्यावर त्यांच्यात मोठं भांडण झालं आणि त्यातूनच ही भयंकर घटना घडली.