Personal Finance: जमीन खरेदीत कोणते कागदपत्र असू शकतात बनावट?
NA Land: जमीन खरेदी करण्यापूर्वी 7/12 उतारा, फेरफार नोंद, Sale Deed, Title Search, Encumbrance, NA Order आणि इतर कागदपत्रांची तपासणी करणे अत्यंत महत्त्वाचे आहे.
ADVERTISEMENT
Personal Finance Land Documents: जमीन खरेदी हा आयुष्यातील मोठ्या आर्थिक व्यवहारांपैकी एक आहे. अनेक जण वर्षानुवर्षे बचत करून किंवा कर्ज घेऊन प्लॉट किंवा जमीन खरेदी करतात. त्यामुळे व्यवहार करण्यापूर्वी केवळ जमीन पाहणे किंवा विक्रेत्याने दाखवलेली कागदपत्रे पाहणे पुरेसे नाही. संबंधित कागदपत्रे अधिकृत नोंदींशी पडताळणे तितकेच महत्त्वाचे आहे.
काही प्रकरणांमध्ये बनावट किंवा फेरफार केलेले दस्तऐवज, चुकीची मालकी माहिती, बनावट Power of Attorney किंवा आधीच विकलेली/गहाण ठेवलेली जमीन पुन्हा विकण्याचा प्रयत्न केला जाऊ शकतो. त्यामुळे जमीन खरेदीपूर्वी खालील checklist लक्षात ठेवणे आवश्यक आहे.
1. 7/12 उतारा तपासा
7/12 उतारा हा महत्त्वाचा महसूल दस्तऐवज आहे; मात्र तो एकटाच मालकीचा अंतिम पुरावा समजू नये. यामध्ये जमीन कोणाच्या नावावर आहे, जमिनीचा प्रकार, क्षेत्रफळ, पीक किंवा इतर नोंदी याबाबत माहिती मिळू शकते.
काय तपासाल?