देशाला एका Conductor सारख्या पंतप्रधानांची गरज उद्धव ठाकरेंचा टोला, फडणवीस म्हणाले..

दरम्यान याच टोल्याबाबत विरोधी पक्षनेते देवेंद्र फडणवीस यांना प्रतिक्रिया विचारली असता त्यांनी फक्त ते होणार आहेत का? एवढा एकच छोटा प्रश्न विचारून उत्तर दिलं आहे.

आणखी काय म्हणाले मुख्यमंत्री?

1874 ते 2021 हा बेस्टने केलेला प्रवास अभिमानास्पद आहे. वेळेनुसार बेस्टमध्ये बदल होत गेला. इलेक्ट्रिक बस प्रदूषण न करणाऱ्या पर्यावरणपूरक बस आहेत. माहीम बस डेपोचे आधुनिकीकरण झाल्याने कर्मचारी प्रवासी यांना दिलासा मिळणार आहे. आम्ही वचननाम्यात म्हटल्याप्रमाणे बेस्ट बस आणि लोकल प्रवासासाठी एकच पास किंवा तिकिट यापुढे चालावे असेही नियोजन कऱण्यात येते आहे असंही उद्धव ठाकरेंनी म्हटलं आहे.

कोरोनाच्या काळातही बेस्टने अत्यावश्यक सेवेतील कर्मचारी तसेच प्रवासी यांची मोठ्या प्रमाणावर वाहतूक केली. जिवाची पर्वा न करता जनतेची सेवा बेस्टच्या कर्मचाऱ्यांनी केली. कोरोना काळात काही कर्मचारी, अधिकारी कोरोना बाधितही झाले काहींचे मृत्यूही झाले. तरीही बेस्ट थांबली नाही. असंही मुख्यमंत्री म्हणाले.

गेल्या काही काळापासून निसर्ग चक्र बदललं आहे. कोरोनामुळे निर्माण झालेली परिस्थिती हळूहळू पूर्वपदावर येते आहे. एकेक गोष्टींचे निर्बंध आपण सावधगिरीने शिथील करतो आहोत. हॉटेल्स आणि रेस्तराँ मालक शुक्रवारी भेटून गेले. त्यांनी वेळांमध्ये शिथीलता देण्याची मागणी केली आहे. लोकल प्रवासासंदर्भातही निर्णय घ्यायचा आहे. कोरोना उलटणार नाही ना? हे पाहावे लागेल. असंही वक्तव्य यावेळी उद्धव ठाकरेंनी केलं.