Tokyo Olympic 2020 : भारताचं आणखी एक पदक निश्चीत, बॉक्सर लोवलिना बोर्गोहेनची उपांत्य फेरीत धडक

टोकियो ऑलिम्पिकच्या पहिल्या दिवशी वेटलिफ्टींग प्रकारात मीराबाई चानूने भारताला पदकाची कमाई करुन दिली होती. परंतू यानंतर सलग ८ दिवस भारताच्या खात्यात एकही पदक आलं नाही. अनेक महत्वाच्या खेळाडूंनी यादरम्यान निराशाजनक कामगिरी केली. परंतू लोवलिनाने आपल्याकडून असलेल्या अपेक्षांना साजेसा खेळ करत सामन्यावर वर्चस्व गाजवत भारताला आणखी एक पदक मिळवून दिलं आहे.

सामना जिंकल्यानंतर लोवलिनाने आपल्या खेळाबद्दल आनंद व्यक्त करत. सेमीफायनल जिंकून भारतासाठी सुवर्णपदक जिंकण्याचा आपला प्रयत्न असणार आहे अशी प्रतिक्रीया दिली आहे.

बॉक्सिंगमध्ये उपांत्य फेरीत हरलेल्या बॉक्सरलाही ब्राँझ पदकाचा मान मिळतो. उपांत्यपूर्व फेरीच्या सामन्यात लोवलिनाने धडाकेबाज खेळ केला. पहिल्या राऊंडमध्ये पाचपैकी ३ पंचांनी लोवलिनाच्या बाजूने निकाल दिला. दुसऱ्या सेटमध्ये चीन तैपेईच्या खेळाडूने आक्रमक पंच लगावत पुनरागमन करण्याचा प्रयत्न केला.