आरोपीच्या लग्नासाठी जामीन मंजूर? केसबाबात मुंबई हायकोर्टाचा 'तो' धक्कादायक निर्णय... नेमकं प्रकरण काय?

न्यायालयाच्या माहितीनुसार, सामूहिक बलात्कार प्रकरणातील आरोपीला संबंधित पीडितेच्या गुप्तांगावर जखमांच्या खुणा नसल्याच्या आधारे जामीन देणे ही चिंतेची बाब आहे. तसेच, आरोपीचं लग्न ठरणं हे त्याचा जामीन मंजूर करण्यासाठी निकष असू शकत नाही. हा निकष जामीनसंबंधित कायद्यात समाविष्ट नाही.

खरंतर, मुंबईतील दिंडोशी सेशन कोर्टाने डीएन नगर पोलीस स्टेशनमध्ये दाखल झालेल्या एका गुन्ह्यातील आरोपीला जामीन दिला होता आणि याविरुद्ध राज्य सरकारने हायकोर्टात अपील केलं होतं. हे अपील स्वीकारत, जस्टिस नीला गोखले यांनी आरोपीचा जामीन रद्द केला आणि त्याला दोन दिवसांत तपास अधिकाऱ्यांसमोर सरेंडर करण्याचे निर्देश दिले.

अटक केल्यानंतर अडीच महिन्यांतच बेल

न्यायमूर्ती गोखले यांनी सांगितलं की ट्रायल कोर्टाच्या न्यायाधीशांनी आरोपीचं लग्न हे जामीन मंजूर करण्यासाठी निकष मानले आहे आणि ही चिंतेची बाब आहे. 9 डिसेंबर 2024 रोजी संबंधित प्रकरणातील आरोपीला अटक करण्यात आली होती आणि अडीच महिन्यांच्या आतच मार्च 2025 मध्ये आरोपीचं लग्न ठरल्याच्या आधारे त्याला जामीन मंजूर करण्यात आला होता. मात्र, रेकॉर्डवरील पुराव्यांच्य आधारे प्राथमिकदृष्ट्या आरोपी दोषी असल्याचं सिद्ध होत आहे. 

हे ही वाचा: आजीचं 35 वर्षीय तरुणावरच जडलं प्रेम! लपुनछपून दोघेही भेटायचे अन् एके दिवशी तर... प्रकरण थेट पोलिसात

जस्टिस गोखले यांनी सांगितलं की, आरोपीचं हे कृत्य निंदनीय असून एकूण परिस्थिती लक्षात घेता, ट्रायल कोर्टाने गुन्ह्याचं गांभीर्य विचारात घेतलं नसल्याचं दिसून येत आहे. प्रकरणातील तथ्ये समोर आणत गोखले यांनी सांगितलं की पीडिता आरोपीसोबत त्याच्या फ्लॅटमध्ये गेली होती. त्यावेळी पीडितेला नशेचा पदार्थ मिसळून पेय देण्यात आलं. त्यानंतर, त्या खोलीत तिन्ही आरोपींनी पीडितेसोबत घृणास्पद कृत्य केलं. 

हे ही वाचा: उद्धव ठाकरेंना आणखी एक मोठा धक्का, राणेंच्या कट्टर विरोधकाचा शिंदेंच्या शिवसेनेत प्रवेश

जामीनाचा आदेश का रद्द झाला? 

न्यायालयाच्या सुनावणीदरम्यान पीडितेच्या वैद्यकीय अहवालात स्पष्ट जखमा दिसून आल्या असून डॉक्टरांच्या निष्कर्षांमध्ये पीडितेवर शारीरिक हिंसाचाराचे पुरावे देखील उपलब्ध असल्याचं आढळून आलं. पीडितेच्या डोक्यावर तसेच शरीरावर जखमांच्या खुणा आढळल्या असून ट्रायल कोर्टाने याकडे दुर्लक्ष केलं असल्याचं सांगितलं जात आहे. पंचनाम्यात घटनास्थळावरून दारूच्या बाटल्या, सिगारेटचे तुकडे आणि महिलेची अंतरवस्त्रे जप्त करण्यात आली. याच पुराव्यांच्या आधारे, आरोपीच्या जामीनाचा आदेश रद्द करण्यात आल्याची माहिती समोर आली आहे.