आई..,चिमुकल्यांचा काय दोष होता गं? 25 वर्षीय विवाहितेने काय केलं, संपूर्ण कुटुंब उद्धवस्त

मध्यरात्रीपर्यंत चाललेला वाद आणि भीषण शेवट

मिळालेल्या माहितीनुसार, 19 एप्रिल 2025 रोजी सायंकाळी 5 वाजल्यापासून निकिता आणि तिचे पती अमरदीप यांच्यात घरगुती कारणावरून वादाला सुरुवात झाली होती. हा वाद किरकोळ वाटत असला तरी तो वाढतच गेला आणि रात्री 12 वाजेपर्यंत पती-पत्नीमध्ये सतत खटके उडत होते. या दीर्घकाळ चाललेल्या वादामुळे निकिता प्रचंड मानसिक दबावाखाली होती. अखेर मध्यरात्री दीड वाजण्याच्या सुमारास तिने 5 वर्षांची मुलगी शिवानी आणि 3 वर्षांचा मुलगा शिवांश यांना सोबत घेऊन घर सोडले. रात्रभर ती बेपत्ता होती आणि कुटुंबीयांनी तसेच गावकऱ्यांनी सकाळी तिचा शोध घेण्याचा प्रयत्न केला, परंतु तिचा कोठेही पत्ता लागला नाही.

विहिरीत तरंगताना आढळले मृतदेह आणि पोलीस तपास

दुसऱ्या दिवशी दुपारी 4 वाजण्याच्या सुमारास निकिताच्या घराच्या परिसरात असलेल्या एका विहिरीमध्ये तिघांचेही मृतदेह पाण्यावर तरंगताना आढळून आले. हे दृश्य पाहताच गावकऱ्यांमध्ये मोठी खळबळ उडाली आणि तात्काळ या घटनेची माहिती पोलिसांना देण्यात आली. माहिती मिळताच किल्लारी पोलिसांनी घटनास्थळी धाव घेतली आणि ग्रामस्थांच्या मदतीने तिन्ही मृतदेह विहिरीबाहेर काढले. पोलिसांनी पंचनामा करून मृतदेह उत्तरीय तपासणीसाठी शासकीय रुग्णालयात पाठवून दिले आहेत. दोन निष्पाप जीवांसह मातेने आपला जीव दिल्यामुळे या घटनेचे गांभीर्य अधिक वाढले असून, पोलीस या प्रकरणातील सर्व बाजू पडताळून पाहत आहेत.

किल्लारी पोलीस सध्या या प्रकरणाचा सखोल तपास करत असून, आत्महत्येला प्रवृत्त करण्यामागे नेमकी काय कारणे होती, याचा शोध घेतला जात आहे. प्राथमिक तपासात कौटुंबिक वादाची बाब स्पष्ट झाली असली तरी, पोलिसांकडून अमरदीप भूरे आणि इतर नातेवाईकांची चौकशी केली जात आहे. या प्रकरणातील पुढील कायदेशीर प्रक्रिया पूर्ण झाल्यानंतर पोलीस अधिकृत माहिती देतील, परंतु सध्या खरोसा गावात या घटनेमुळे स्मशानशांतता पसरली आहे.

इतर महत्त्वाच्या बातम्या 

लॉलीपॉपमुळे संपूर्ण कुटुंब उद्ध्वस्त, 7 वर्षीय भावाचा मृत्यू, 15 वर्षीय बहिणीला अटक