Salman Khan : रॉकी भाई म्हणाला, “सलमानला 30 तारखेला संपवणार”

तारीक 10 एप्रिल 2023, वेळ रात्री 9 वाजता, ठिकाण मुंबई पोलीस नियंत्रण कक्ष. पोलीस नियंत्रण कक्षाचा फोन अचानक वाजू लागतो… काही वेळाने त्या फोनच्या रिंगने वैतागलेला ड्युटी ऑफिसर अत्यंत अनिच्छेने फोन उचलतो, त्याचे डोळे पाणावतात… आणि कान जवळजवळ सुन्न होतात. कारण कॉलरने फक्त त्या पोलीस अधिकाऱ्याला धमकी दिली… आणि ही धमकी बॉलिवूडचा सुपरस्टार आणि हिंदी चित्रपटसृष्टीतील भाईजान सलमान खानला मारण्याची होती.

बॉलिवूडचा सुपरस्टार, हिंदी चित्रपटसृष्टीचा भाई आणि हिंदी चित्रपटसृष्टीचा दबंग खान म्हणजेच सलमान खान. हिंदी चित्रपटसृष्टीच्या पडद्यावर नेहमीच चमकणारे हे नाव अचानक पुन्हा एकदा चर्चेत आले. 10 एप्रिल रोजी पुन्हा एकदा सलमान खानला धमकावल्याची बातमी चर्चेत आली…

आरोपीचं धाडस, पोलिसांनाच दिलं आव्हान, काय घडलं?

सलमान खान सध्या त्याच्या ‘किसी का भाई किसी की जान’ या चित्रपटाचे प्रमोशन करत असला, तरी या धमकीच्या बातमीने अचानक मुंबई फिल्म इंडस्ट्रीत खळबळ उडाली आहे. खरं तर बॉलिवूडचा सुपरस्टार सलमान खानला जीवे मारण्याची धमकीची पहिली वेळ नाही. पण, यावेळी सलमान खानला ही धमकी आधीच्या धमक्यांपेक्षा थोडी वेगळी आहे.

वाचा >> Salman Khan : खोटे सिक्स पॅक अ‍ॅब्स दाखवल्याचा आरोप; भर कार्यक्रमात काढला शर्ट अन्…

कारण यावेळी धमकी देणाऱ्या व्यक्तीने सलमान खानला फक्त धमकी दिली नाही, तर जवळच्या पोलीस नियंत्रण कक्षाला फोन करून सुरक्षा यंत्रणांनाच आव्हान दिलं. आणि सर्वात मोठी गोष्ट म्हणजे धमकी देणाऱ्या व्यक्तीने सलमान खानला मारण्याची तारीखही सांगितली.

रॉकी भाईने दिली सलमान खानला धमकी

मिळालेल्या माहितीनुसार मुंबई पोलीस नियंत्रण कक्षाला फोन करून धमकी देणाऱ्या व्यक्तीने स्वत:ची ओळख रॉकी भाई म्हणून सांगितली. तो म्हणाला की तो जोधपूरचा रहिवासी आहे आणि तो गोरक्षक आहे. त्याने पोलिसांना फोन करून एकप्रकारे पोलीस अधिकाऱ्यालाच धमकावले. ३० तारखेला सलमान खानला मारणार आहे, असं तो म्हणाला.

धमकीचा हा कॉल आल्यानंतर पोलिसांनी त्यांचा तपास सुरू केला, पण त्याचबरोबर खबरदारीचा उपाय म्हणून सलमान खानलाही या धमकीबद्दलची माहिती दिली. जेणेकरून त्यानेही सावधगिरी घ्यावी.

सलमान खानने खरेदी केली बुलेट प्रूफ कार

बॉलिवूडचा सुपरस्टार सलमान खानला सध्या एकामागून एक धमक्या येत आहेत. अलीकडेच अभिनेत्याला जीवे मारण्याची धमकी देणारा ईमेल आला होता. त्यानंतर या अभिनेत्याची मुंबई पोलिसांनी सुरक्षा वाढवली होती. सतत जीवे मारण्याच्या धमक्यांमुळे सलमान खानने नवीन बुलेट प्रूफ वाहन खरेदी केले आहे.

दरम्यान, सलमान खानने नवी बुलेटफ्रूट कार बरोबरच त्याच्या ताफ्यात निसान पेट्रोल एसयूव्हीचा समावेश केला आहे. सध्या हे वाहन भारतीय बाजारपेठेतही दाखल झालेले नाही. सर्व सुरक्षेच्या दृष्टीने सलमान खानने हा निर्णय घेतला आहे. काही दिवसांपूर्वी सलमान खानला धमकीचे ई-मेल आले होते. आयात केलेले निसान पेट्रोल एसयूव्ही वाहन, एसयूव्ही हे दक्षिण आशियातील बाजारपेठेतील सर्वात लोकप्रिय आणि महागड्या वाहनांपैकी एक मानले जाते. या बुलेटप्रूफ वाहनाचे वैशिष्टय़ म्हणजे सुरक्षेच्या दृष्टीकोनातून ते अतिशय खास आहे.

वाचा >> आश्वासन देऊनही दिला नाही अवॉर्ड, मग सलमान खानने असा घेतला बदला

सलमान खानला धमकावण्याच्या प्रकरणात गँगस्टर लॉरेन्स बिश्नोईचे नाव आत्तापर्यंत समोर येत असले, तरी पोलिसांच्या आतापर्यंतच्या तपासात 10 एप्रिल रोजी त्याला धमकी देणाऱ्या रॉकी नावाच्या व्यक्तीचा कोणाशीही संबंध नव्हता. मात्र, पोलिसांनी सलमान खानच्या सुरक्षेसाठी चोख बंदोबस्त ठेवला असून, या धमकीच्या अनुषंगाने तपास सुरू केला आहे. मात्र, हा प्रकार कुणी मस्करी म्हणून केला नाही ना, या अंगानेही पोलीस तपास करत आहे.