Sharad Pawar : अदाणी-अंबानीवरून मोदींना पवारांनी घेरलं, 'दोस्त तुमचे अन् काँग्रेसवर...'

Sharad Pawar On Adani-Ambani : ''अदाणी- अंबानीने टेम्पोने काळा पैसा काँग्रेसला दिल्याचा'' आरोप पंतप्रधान नरेंद्र मोदी यांनी बुधवारी एका प्रचारसभेत केला होता. या आरोपांवर राहुल गाधी (Rahul Gandhi) यांनी ट्विटरवर व्हिडिओ शेअर करत मोदींना जोरदार उत्तर दिले होते. त्यानंतर आता राष्ट्रवादी काँग्रेस शरदचंद्र पवार पक्षाचे अध्यक्ष शरद पवार यांनी मोदींच्या या काँग्रेसवरील टीकेला उत्तर दिले आहे. अदाणी-अंबानी कोणाचे दोस्त आहेत आणि आरोप काँग्रेसवर ढकलत आहेत, असा हल्ला शरद पवारांनी (Sharad Pawar) नाव न घेता मोदींवर चढवला. (sharad pawar reaction on pm narendra modi adani ambani sending money through tampo to congress rahul gandhi) 

शरद पवार पत्रकार परिषदेत बोलत होते. यावेळी पवारांना राष्ट्रवादी काँग्रेममध्ये विलीनकरणावर प्रश्न विचारला होता. यावर पवार म्हणाले, मी असं म्हणालो नाही. असं मी म्हणालो नाही. अशा शब्दात विलीनीकरणावर शरद पवारांनी स्पष्ट भूमिका मांडली. राष्ट्रवादी काँग्रेस आणि काँग्रेस पक्ष जवळपास 2000 पासून एकत्र काम करत आहे. आम्ही एकत्र काम करत आहोत. मंत्री मंडळातही एकत्र होतो. मागच्या मंत्रिमंडळात एकत्र काम केले. आमची विचारधारा एकत्र आहे. एकत्रित काम करणे दोघांनाही पटल्यामुळे आम्ही काम करत आहोत, असे शरद पवार म्हणाले आहेत. 

हे ही वाचा : Pune Crime : WhatsApp आणि 900 अश्लील व्हिडिओ...,

पंतप्रधान मोदींनी अदाणी-अंबानीवरून काँग्रेसवर टीका केली होती.या टीकेवर शरद पवार म्हणाले, अदाणी-अंबानी हे आजपर्यंत कोणाचे दोस्त आहेत. याची देशात नेहमीच चर्चा होते. ज्यांच्याबद्दल चर्चा होते ते काँग्रेसवर ढकलत आहे.  

राहुल गांधींचा पलटवार 

पंतप्रधान मोदींच्या या टीकेला राहुल गांधींनी ट्विटरवर व्हिडीओ शेअर करून उत्तर दिलं आहे. 'अंबानी-अदाणी टेम्पोतून पैसे देतात. हा काय तुमचा स्वत:चा अनुभव आहे का?' असा सवाल राहुल गांधींनी या निमित्त पंतप्रधान मोदींना विचारला.