वागण्यात कशी आली अश्लीलता?

मिळालेल्या माहितीनुसार, या मुलाला ऑनलाईन क्लाससाठी मोबाईल देण्यात आला होता. सुरुवातीला अभ्यासाच्या मध्ये तो थोडा वेळ गेम खेळायचा, पण गेल्या सहा महिन्यांत मोबाईल त्याच्या शरीराचा एक भागच बनला. मोबाईल हिसकावून घेतला की तो आरडाओरडा करायचा, तासनतास बाथरूममध्ये मोबाईल घेऊन बसून राहायचा आणि विचारल्यास प्रचंड चिडचिड करायचा. हळूहळू या डिटल व्यसनाने त्याच्या मनावर पूर्ण ताबा मिळवला आणि त्याला योग्य-अयोग्यतेचा विसर पडला. शाळेतील वर्गमित्रांच्या सांगण्यानुसार तो सातत्याने अश्लील गप्पा मारायचा. अखेर, प्रशासनाने त्याचे नाव शाळेतून कमी करत त्याच्यावर तातडीने उपचार करण्याचा सल्ला पालकांना दिला.

हे ही वाचा : लातूर हादरलं! प्रसिद्ध संस्थाचालकाने स्वत:वर गोळीबार करत संपवलं जीवन

मानसिक आजाराचा बळी

तज्ज्ञांच्या मते, हा मुलगा ही कृत्यं जाणूनबुजून करत नसून तो 'बॉर्डरलाईन पर्सनालिटी डिसऑर्डर' (BPD) या गंभीर मानसिक आजाराने ग्रस्त आहे. या मानसिक स्थितीत व्यक्ती स्वतःच्या भावनांवर, क्रोधावर आणि आवेगावर ताबा ठेवू शकत नाही. त्यांचे मूड क्षणाक्षणाला बदलतात, ज्याचा थेट परिणाम त्यांच्या मानसिक संतुलनावर, आत्मप्रतिमेवर आणि नात्यांवर होतो. असाच आणखी एक धक्कादायक प्रकार समोर आला होता, जिथे BPD ग्रस्त एका तरुण अभियंत्याने आपल्या वडिलांकडे स्वतःचे लिंग बदलून मुलगी बनण्याचा हट्ट धरला होता. सध्या या चिमुकल्या मुलावर  मानसोपचार सुरू आहेत.

हे ही वाचा : जालना: चॉकलेटचं आमिष दाखवून 6 वर्षीय चिमुरडीवर लैंगिक अत्याचार, कुदळ फावड्याने घरावर हल्ला

मोबाईलपासून सावधान

आजच्या डिजिटल युगात आपल्या लहान मुलांच्या हातात सहज मिळणारा मोबाईल फोन आणि इंटरनेटचा अनियंत्रित वापर किती धोकादायक ठरू शकतो, याचे हे एक अत्यंत भयंकर उदाहरण आहे. मुलांच्या मोबाईल वापराकडे वेळेत लक्ष दिले नाही, तर हा स्क्रीन टाईम त्यांना अशा असाध्य आणि विकृत मानसिक आजारांच्या गर्तेत ढकलू शकतो. त्यामुळे आताच सावध व्हा! आपल्या पाल्याच्या बदललेल्या स्वभावाकडे किंवा मोबाईलच्या अति व्यसनाकडे वेळीच लक्ष दिले नाही, तर भविष्यात तुमच्यावरही समाजात मान खाली घालण्याची वेळ येऊ शकते.