विविध ठिकाणी सामूहिक बलात्कार

पीडित अल्पवयीन मुलीने दिलेल्या माहितीनुसार, एका विवाहित तरुणाने तिला विश्वासात घेऊन सोबत नेले होते. त्यानंतर तिला वेगवेगळ्या ठिकाणी नेऊन पिक्लू प्रधान आणि त्याच्या मित्रांनी तिच्यावर सामूहिक बलात्कार केला. आरोपींनी तिला सुमारे महिनाभर गुजरातमध्ये ठेवले होते आणि त्यानंतर एका विटांच्या भट्टीवरही तिच्यावर अत्याचार करण्यात आले. सोमवारी (14 सप्टेंबर) आरोपीने तिला चक्रधरपुर स्टेशनवर सोडून दिले होते, मात्र तो पुन्हा तिथे आल्यावर काही तरुणांनी मुलीला मारहाण केली आणि ही घटना पोलिसांच्या निदर्शनास आली.

हे ही वाचा : मनोज जरांगे पाटील प्रचंड संतापले, एकनाथ शिंदेंवर जोरदार टीका

मुख्य आरोपीला अटक

चौकशीदरम्यान अत्यंत घाबरलेल्या स्थितीत असलेल्या या मुलीने ती अनेक दिवसांपासून भुकेली असल्याचे अधिकाऱ्यांना सांगितले. परिस्थितीचे गांभीर्य ओळखून RPF आणि GRP च्या अधिकाऱ्यांनी आधी तिला अन्न पुरवले आणि त्यानंतर पुढील कायदेशीर कारवाईसाठी तिला चक्रधरपुर महिला पोलिसांच्या स्वाधीन केले. पोलिसांनी मुख्य आरोपी पिक्लू प्रधान याला अटक करून त्याची कसून चौकशी सुरू केली असून, घटनेत सहभागी असलेल्या इतर सहकाऱ्यांचा आणि ठिकाणांचा शोध घेतला जात आहे.

हे ही वाचा : वेदर रिपोर्ट : परतीच्या पावसाबद्दल काय म्हणालं हवामान खातं?

गुजरातला कसे गेले?

या धक्कादायक घटनेमुळे रेल्वे स्टेशन परिसरातील सुरक्षेचा आणि अल्पवयीन मुलांच्या सुरक्षेचा प्रश्न पुन्हा एकदा ऐरणीवर आला आहे. पीडितेने दिलेल्या तक्रारीच्या आधारे तिला गुजरातला कसे नेले गेले आणि या गुन्ह्यात आणखी किती लोकांचा सहभाग आहे, या सर्व पैलूंचा पोलीस गांभीर्याने तपास करत आहेत.