फोनवर बोलण्यावरुन वाद

सपना उर्फ आसमा असे मृत महिलेचे नाव असून ती पती गजेंद्र शंखवार (वय 30) याच्यासोबत भाड्याच्या घरात राहत होती. गजेंद्र हा गवंडीकाम करतो. रविवारी (6 सप्टेंबर) सकाळी साडेदहाच्या सुमारास सपना मोबाईलवर कोणाशीतरी बोलत होती. त्याच वेळी फोनवर बोलण्यावरून आणि इतर काही कारणांवरून दोघांमध्ये अचानक वाद सुरू झाला. हा वाद इतका वाढला की रागाच्या भरात गजेंद्रने घरातील लोखंडी रॉड उचलून सपनाच्या डोक्यावर जोरदार वार केला.

हे ही वाचा : ऑपरेशन थिएटरमध्ये नर्सवर सामूहिक अत्याचार, व्हिडिओ बनवून धमकावलं

डोक्यात घातला रॉड

रॉडचा वार लागताच सपना रक्ताच्या थारोळ्यात जमिनीवर कोसळली. या घटनेनंतर घाबरलेल्या गजेंद्रने स्वत:च पोलिसांना फोन करून पत्नीची हत्या केल्याचे सांगितले. माहिती मिळताच पोलिसांनी तातडीने घटनास्थळी धाव घेत गंभीर जखमी झालेल्या सपनाला रुग्णालयात दाखल केले. मात्र, तेथील डॉक्टरांनी तिला तपासून मृत घोषित केले. पोलिसांनी घटनास्थळाचा पंचनामा करून मृतदेह शवविच्छेदनासाठी पाठवला आहे.

हे ही वाचा : चलाख सुनेनेच रडून फसवलं! चाकूचे 26 वार, सासऱ्याची निघृण हत्या

दोन महिन्यांपूर्वी विवाह

पोलिसांनी दिलेल्या माहितीनुसार, या दोघांनी साधारण दोन महिन्यांपूर्वीच कोर्ट मॅरेज केले होते. सपनाने लग्नापूर्वी प्रतिज्ञापत्र सादर करून हिंदू धर्म स्वीकारला होता, अशी माहिती स्थानिक पोलीस ठाण्याचे प्रभारी हरमीत सिंह यांनी दिली. सध्या या प्रकरणाचा पुढील तपास पोलीस करत असून आरोपी पतीची कसून चौकशी सुरू आहे.