बाथरुममध्ये महिलेचा मृतदेह

ही घटना 29 ऑगस्ट रोजी उघडकीस आली, जेव्हा पोलिसांना एका भाड्याच्या खोलीतील बाथरुममध्ये महिलेचा मृतदेह आढळल्याची माहिती मिळाली. पोलिसांनी घटनास्थळी पोहोचून पाहणी केली असता, सबिला खातून असे मृत महिलेचे नाव असल्याचे निष्पन्न झाले. मात्र तिचा पती झाहिद आणि त्यांचे सहा महिन्यांचे बाळ घटनास्थळावरून गायब होते. याप्रकरणी पोलिसांनी तात्काळ हत्येचा गुन्हा दाखल करून तपासाचे चक्र वेगाने फिरवण्यास सुरुवात केली.

हे ही वाचा : ब्युटी पार्लर चालवणाऱ्या पत्नीसह 3 मुलींना संपवलं, भयंकर हत्याकांड

दुसऱ्या महिलेसोबत दिसला पती

तपासादरम्यान पोलिसांनी परिसरातील सीसीटीव्ही कॅमेऱ्यांचे फुटेज तपासले असता, पती झाहिद एका दुसऱ्या महिलेसोबत दिसला. त्या महिलेची ओळख रुखसार खातून अशी पटली आणि झाहिद व रुखसार यांच्यात जवळचे संबंध असल्याचे समोर आले. अधिक तपासात पोलिसांनी झाहिदच्या एका नातेवाईकाला नोएडामधून ताब्यात घेतले. चौकशीदरम्यान नातेवाईकाने कबूल केले की, सबिलाची हत्या केल्यानंतर झाहिद आणि रुखसार त्याच्याकडे आले होते, जिथे त्याने त्यांना लपण्यास मदत केली आणि नंतर बिहारच्या सीतामढी येथे पळून जाण्यास सहकार्य केले.

हे ही वाचा : कुणबी प्रमाणपत्र कसं मिळवायचं? सरकारने कशी बदलली रणनीती?

प्रेमसंबंधांतून काढला काटा

ओसामाला मदत केल्याप्रकरणी अटक केल्यानंतर पोलिसांनी बिहारमध्ये मोहीम राबवून झाहिद आणि रुखसार या दोघांनाही ताब्यात घेतले. प्राथमिक चौकशीत झाहिद आणि रुखसार यांना एकमेकांशी लग्न करायचे होते, मात्र त्यांच्या या प्रेमसंबंधांची भणक सबिलाला लागली होती. यामुळे दोघांनी मिळून सबिलाचा काटा काढण्याचा कट रचला आणि तिची हत्या करून बाळासह पळ काढला. सध्या पोलीस या प्रकरणाचा पुढील तपास करत आहेत.