दुष्काळसदृश परिस्थिती

महाराष्ट्रातील मान्सूनच्या एकूण परिस्थितीचा विचार करता अनेक भागांत सरासरीपेक्षा अत्यंत कमी पाऊस झाला आहे. विशेषतः मराठवाडा आणि विदर्भात पावसाची मोठी तूट नोंदवली गेली आहे. बीडमध्ये 49 टक्के, जालन्यात 46 टक्के, धाराशिवमध्ये 43 टक्के आणि परभणीमध्ये 42 टक्के कमी पाऊस झाला असून, यामुळे मराठवाड्यात दुष्काळसदृश परिस्थिती निर्माण झाली आहे व पिके सुकू लागली आहेत. दुसरीकडे नाशिक, पालघर आणि पुणे या भागांत सरासरीपेक्षा चांगला पाऊस झाला असला तरी, उर्वरित बहुतांश महाराष्ट्राला अजूनही जोरदार पावसाची प्रतीक्षा आहे.

हे ही वाचा : मनोज जरांगे पाटील प्रचंड संतापले, एकनाथ शिंदेंवर जोरदार टीका

परतीचा मान्सून कधी?

परतीच्या पावसाबाबत हवामान खात्याने महत्त्वाची माहिती दिली आहे. राजस्थानमधून साधारण 19 सप्टेंबरच्या सुमारास मान्सूनच्या परतीचा प्रवास सुरू होण्याची शक्यता असून, त्यानंतर हळूहळू त्याचा परिणाम महाराष्ट्रावरही दिसून येईल. मान्सून ट्रफची सध्याची दिशा नलिया, राजस्थानमधील कमी दाबाचे क्षेत्र, रायगड, पेंड्रा रोड, दामोह, रुरकेला आणि दिघा ते बंगालच्या उपसागरापर्यंत पसरलेली आहे. राजस्थानमधील हे कमी दाबाचे क्षेत्र दक्षिणेकडे सरकल्यास महाराष्ट्रातील पावसाचा जोर वाढू शकतो.

हे ही वाचा : Maharashtra Weather : राज्यात 'या' जिल्ह्यांत पाऊस सक्रिय, कुठे मध्यम तर... IMD चा अलर्ट

20 सप्टेंबरनंतर दिलासा

राज्यात पावसाच्या पुढील टप्प्याबाबत हवामान तज्ज्ञ के. एस. होसाळीकर यांनी दिलेल्या माहितीनुसार, 20 ते 23 सप्टेंबरच्या सुमारास महाराष्ट्रात मध्यम ते मुसळधार स्वरूपाचा चांगला पाऊस पडण्याची शक्यता आहे. त्यामुळे पुढील 48 तासांत हवामान मुख्यतः हलक्या सरींचे आणि ढगाळ राहील, परंतु 20 सप्टेंबरनंतर शेतकरी आणि नागरिकांना काहीसा दिलासा मिळण्याची आशा निर्माण झाली आहे.