प्रचंड चर्चेत असलेली PM Svanidhi Yojana आहे तरी काय? कसा कराल अर्ज अन् किती मिळतं लोन…
देशभरातील तब्बल 78 लाख रस्ते विक्रेत्यांनी पीएम स्वनिधी योजनेचा लाभ घेतला आहे. त्यामुळे पीएम स्वनिधी योजना नेमकी काय आहे? या योजनेत किती कर्ज मिळते? आणि योजनेसाठी कसे अर्ज करता येईल. हे जाणून घेऊयात.
ADVERTISEMENT
Budget 2024 Nirmala Sitharaman,PM Svanidhi Yojana : अर्थमंत्री निर्मला सितारमण यांनी आज शुक्रवारी सहाव्यांदा अंतरिम अर्थसंकल्प सादर केला. मोदी सरकारच्या दुसऱ्या टर्मच्या कार्यकाळातला हा शेवटचा अर्थसंकल्प होता. या अर्थसंकल्पात निर्मला सितारमण (Nirmala Sitharaman) यांनी पीएम स्वनिधी योजनेची (PM Svanidhi Yojana) माहिती दिली. या योजनेचा आतापर्यंत देशभरातील तब्बल 78 लाख रस्ते विक्रेत्यांनी लाभ घेतला आहे. त्यामुळे ही योजना रस्ते विक्रेत्यांसाठी लाभदायी ठरताना दिसते आहे. त्यामुळे पीएम स्वनिधी योजना नेमकी काय आहे? या योजनेत किती कर्ज मिळते? आणि योजनेसाठी कसे अर्ज करता येईल. हे जाणून घेऊयात. (budget 2024 nirmala sitharaman pm svanidhi yojana how to apply how much loan available how to avail benefits read full story)
नेमकी योजना काय?
आत्मनिर्भर भारत अभियानाअंतर्गत केंद्रसरकारने रस्ते विक्रेत्यांसाठी ही योजना सूरू केली आहे. या योजनेचे नाव पीएम स्वनिधी योजना आहे. या योजने अंतर्गत रस्त्यावरील विक्रेत्यांना कोणतेही तारण न ठेवता कर्जाची सुविधा दिली जाते. म्हणजे रस्त्यावरील विक्रेत्यांना कोणत्याही हमीशिवाय कर्ज मिळते.
हे ही वाचा : Chhatrapati Sambhajiraje: ‘लोकसभा लढवायची असेल तर…’ संभाजीराजेंसमोर ‘मविआ’ने ठेवली विचित्र अट!
50 हजारापर्यंत मिळत लोन
या योजनेची सुरूवात जून 2020 म्हणजेच कोरोना काळात झाली. या योजनेअंतर्गत सरकार तीन विविध टप्प्यात रस्त्यावरील विक्रेत्यांना लोन देते. ज्यामध्ये रस्त्यावरील विक्रेत्यांना 10 हजार ते 50 हजारापर्यंत लोन मिळते. पहिल्यांदा या योजनेत 10 हजार रूपयापर्यंत लोन देण्यात येते. या लोनची परतफेड लाभार्थ्याला 12 महिन्याच्या आत करायची असते. ज्यावेळेस संबंधित लाभार्थी पहिले लोन चुकवतो, त्यावेळेस त्याला दुसऱ्यांदा लोन घेता़ येते. तसेच दुसऱ्यांदा लाभार्थ्यांला 20 हजारापर्यंत लोन मिळते. तर तिसऱ्या वेळेस 50 हजारापर्यंत लोन मिळते.
हे वाचलं का?
ADVERTISEMENT
विशेष म्हणजे या योजनेचा रस्त्यावरील विक्रेत्यांना आणखीण एक फायदा होतो. तो म्हणजे ज्यावेळेस एखादा लाभार्थी त्याचे लोन वेळेत चुकवतो. त्यावेळेस सरकार त्याला व्याजदरावर 7 टक्के सबसिडी देते.दरम्यान आतापर्यंत देशभरातील 78 लाख स्ट्रीट वेंडर्सने या योजनेचा फायदा घेतला आहे. यामधील 2.3 लाख लोकानी तिसऱ्या टप्पातील लोन मिळाले आहे, अशी माहिती निर्मला सीतारमण यांनी दिली आहे.
हे ही वाचा : Maratha Reservation: ‘भुजबळांच्या कंबरेत लाथा घालून…’ शिंदेंच्या आमदाराची जीभ घसरली!
कॅशबॅकची सुविधा
पीएम स्वनिधी योजनेच्या माध्यमातून सरकार डिजिटल व्यवहारांनाही चालना देतेय. जर लोन घेणारा व्यक्ती डिजिटल व्यवहार करत आहे, तर त्याला 25 रूपयाहून अधिकच्या व्यवहारांना कॅशबॅकची सुविधा मिळतेय. जे रस्त्यावरील विक्रेते डिजिटल ट्रान्झॅक्शन करतात, त्यांना वर्षाला 1200 रूपये कॅशबॅक मिळतो.
ADVERTISEMENT
कसा अर्ज करता येणार?
पीएस स्वनिधी योजनेसाठी अर्ज करण्याची प्रक्रिया खूपच सोप्पी आहे. ही प्रक्रिया कशी आहे हे खालीलप्रमाणे जाणून घेऊयात.
ADVERTISEMENT
- ऑनलाईन अर्ज करण्यासाठी pmsvanidhi.mohua.gov. या वेबसाईटवर जा.
- होमपेजवर लोनचे ऑप्शन मिळेल, त्यावर तुम्हाला किती लोन हवे आहे. तिथे क्लिक करा.
- लोनची अमाऊंटचा पर्याय निवडल्यानंतर तुम्हाला मोबाईलनंबर आणि कॅप्चा भरावा लागेल.
- त्यानंतर क्लिक केल्यावर तुमच्या मोबाईलवर ओटीपी येईल, त्याला तुम्हाला भरावा लागेल.
- ही प्रक्रिया झाल्यानंतर एक फॉर्म समोर येईल, तो फॉर्म डॉक्युमेंटसह भरून अपलोड करावा लागेल.
- फॉर्म भरून अपलोड केल्यानंतर सबमिट बटन दाबावा लागेल आणि तुम्हाला रिसीप्ट मिळेल.
कोणती डॉक्यूमेंट लागणार?
या योजनेचा लाभ घेण्यासाठी तुमच्या जवळ काही महत्वाची कागदपत्रे असणे गरजेचे आहे.जसे पॅन कार्ड, बँक अकाऊंट, मोबाईल नंबर आणि पासपोर्ट साईज फोटो.
ADVERTISEMENT