Munawwar Rana : प्रसिद्ध शायर मुनव्वर राणा यांचे निधन

असं म्हणत आईचे महात्मे सांगणारा एक शायर विसावला. आज एक सर्वमान्य आवाज शांत झाला. आईवर अनेक कविता लिहिणारे प्रसिद्ध कवी मुनव्वर राणा यांचे रात्री उशिरा हृदयविकाराच्या झटक्याने निधन झाले. ते अनेक दिवसांपासून आजारी होते. त्यांच्यावर लखनौच्या पीजीआयमध्ये उपचार सुरू होते. ९ जानेवारी रोजी त्यांची प्रकृती खालावल्याने त्यांना आयसीयूमध्ये दाखल करण्यात आले होते. वयाच्या ७१ व्या वर्षी राणा यांनी अखेरचा श्वास घेतला. मुनव्वर यांना किडनी आणि हृदयाशी संबंधित आरोग्याच्या समस्या होत्या.

अनेक दिवसांपासून होते आजारी

पीटीआयच्या वृत्तानुसार, मुनव्वर राणा यांची मुलगी सुमैया हिने याबद्दल माहिती दिली. रविवारी रात्री उशिरा राणा यांचे रुग्णालयात निधन झाले. सोमवारी त्यांच्या पार्थिवावर अंत्यसंस्कार करण्यात येणार आहेत.

मुनव्वर यांच्या पश्चात पत्नी, चार मुली आणि एक मुलगा असा परिवार आहे. मुनव्वर राणा यांचा मुलगा तबरेज याने सांगितले की, आजारपणामुळे ते गेल्या 14-15 दिवसापासून रुग्णालयात होते. त्यांना प्रथम लखनौ येथील मेदांता येथे आणि नंतर एसजीपीजीआयमध्ये उपचारासाठी दाखल करण्यात आले होते. रविवारी (१४ जानेवारी) रात्री अकराच्या सुमारास त्यांनी अखेरचा श्वास घेतला.