Ganesh Chaturthi 2024: 'गणेश चतुर्थी'चा उत्सव 10 दिवसच का साजरा केला जातो?

गणपतीला आद्य उपासक मानले जाते. कोणत्याही शुभ कार्याची सुरुवात श्रीगणेशाच्या पूजेने होते. गजाननाचे पूजन केल्याने माणसाच्या कार्यात कोणत्याही प्रकारचा अडथळा येत नाही अशी मान्यता आहे. दरवर्षी भाद्रपद महिन्यातील शुक्ल पक्षातील चतुर्थी तिथीला अनेकांच्या घरात गणपतीची स्थापना केली जाते. यंदाचा गणेशोत्सव 7 सप्टेंबर 2024 पासून सुरू होत आहे. 

गणेशोत्सव फक्त 10 दिवसच का साजरा केला जातो? 

पौराणिक कथेनुसार, गणेशोत्सवाबाबत पुराणात अनेक कथा आहेत. भाद्रपद महिन्यातील शुक्ल पक्षातील चतुर्थी तिथीला गणपती बाप्पाचा जन्म झाला असे मानले जाते. हा दिवस गणेश चतुर्थी म्हणून ओळखला जातो. गणेशोत्सव 10 दिवस साजरा करण्याचे कारण म्हणजे वेद व्यासजींनी भगवान गणेशाला महाभारत ग्रंथ लिहिण्याची विनंती केली होती, तेव्हा बाप्पाने 10 दिवस एक क्षणही न थांबता  महाभारत लिहिले होते. जेव्हा वेदव्यासजींनी पाहिले, बाप्पाचे तापमान खूप जास्त वाढले होते, त्यामुळे त्यांनी 10 व्या दिवशी त्यांना नदीत आंघोळ घातली. तेव्हापासून गणेशोत्सव सुरू झाला.

हेही वाचा : Badlapur : 'DCP चा फोन आला, FIR बदललं...ते प्रकरण दाबण्यासाठी...' कुटुंबीयांनी सांगितली Inside Story

गणेशोत्सव 10 दिवस साजरा करण्याची परंपरा आहे. अनंत चतुर्थीच्या दिवशी गणेशमूर्तीचे विसर्जन केले जाते. याशिवाय तुम्ही गणपतीची मूर्ती दीड दिवस ते तीन, पाच, सात आणि दहा दिवसही घरात बसवून विसर्जन करू शकता. पण, काहीही असो, श्रद्धा ही मनातून असली पाहिजे आणि गणपती बाप्पाचे आशीर्वाद सर्वांच्याच पाठिशी सदैव असतात.