Ratnagiri : ऐकावं ते नवलंच! व्हेल माशाच्या पिलाचा मानसिक तणावामुळे मृत्यू
व्हेल माशाच्या पिल्लाच्या मृत्यूनंतर त्याचं शवविच्छेदन करण्यात आले होते. आता याच शवविच्छेदनाचा अहवाल समोर आला आहे. या अहवालात उपासमार आणि मानसिक तणाव ही दोन मृत्यूची प्रमुख कारणे सांगण्यात आली आहेत.
ADVERTISEMENT
गोकुल कांबळे, रत्नागिरी
Ratnagiri Baby Whale Fish Died Postmortem Report : रत्नागिरीतील (Ratnagiri) गणपतीपुळे (Ganpatipule Beach) समुद्रकिनारी आलेल्या व्हेल माशाला (Baby Whale Fish) 40 तासाच्या अथक प्रयत्नानंतर पुन्हा समुद्रात सोडण्यात आले होते. मात्र इतके अथक प्रयत्न करून सुद्धा 16 नोव्हेंबरला त्या व्हेल माशाचा मृत्य झाला होता. या मृत्यूनंतर त्याचं शवविच्छेदन (postmortem report) करण्यात आले. या शवविच्छेदनानंतर आता त्याचा अहवाल समोर आला आहे. या अहवालात आईच्या दुधाअभावी आणि मानसिक तणावामुळे व्हेल माशाचा मृत्यू झाल्याची माहिती मिळाली आहे. या घटनेने प्राणीप्रेमींमधून शोक व्यक्त होतोय. (ratnagiri baby whale fish died ganpatipule beach postmortem report mental stress)
गेल्या 13 नोव्हेंबरला समुद्रात ओहोटी असल्याने व्हेल मासा गणपतीपुळे समुद्रकिनारी आला होता. तब्बल 3 टन वजन असलेल्या या व्हेल माशाला अनेकवेळा समुद्रात सोडण्याचा प्रयत्न केला गेला होता. यासाठी तब्बल 40 तास रेस्क्यु ऑपरेशनही राबवले गेले होते. या यशस्वी ऑपरेननंतर त्याला सुखरूपरित्या समुद्रात सोडण्यात आले होते. मात्र 15 नोव्हेंबरला हे व्हेल माशाचे पिल्लू पुन्हा समुद्रकिनारी आले होते.त्यानंतर त्याचा मृत्यू झाल्याची माहिती समोर आली होती.
हे ही वाचा : Manoj Jarange : ‘…मग अजितदादा अन् देवेंद्र फडणवीसांना कुठं पाठवतो?’, जरांगेंचा भुजबळांना सवाल
शवविच्छेदन अहवालात काय?
व्हेल माशाच्या पिल्लाच्या मृत्यूनंतर त्याचं शवविच्छेदन करण्यात आले होते. आता याच शवविच्छेदनाचा अहवाल समोर आला आहे. या अहवालात उपासमार आणि मानसिक तणाव ही दोन मृत्यूची प्रमुख कारणे सांगण्यात आली आहेत. काही महिन्यांचे पिल्लू आपल्या आईपासून दुरावले आणि दुधाअभावी त्याची उपासमार झाली. तसेच कळपापासून लांब गेल्यामुळे त्याच्यावर मानसिक ताण आला आणि यातूनच त्याचा मृत्यू झाला आहे. व्हेल माशाच्या मृत्यूनंतर आता त्याला मालगुंड खाडीकिनारी दफन करण्यात आले आहे.
हे वाचलं का?
