'अहो रात्री मोबाइल पाहू नका, गप्प..', बेडरुममध्ये येताच पत्नी असं म्हणाली अन् नको ते घडलं!
केवळ पत्नीने मोबाइल बघत राहू नका असं आपल्या पतीला सांगितल्याच्या रागातून पतीने तिची हत्या केल्याची घटना मध्य प्रदेशमध्ये घडली आहे.
ADVERTISEMENT
सथिनी (मध्य प्रदेश): मध्य प्रदेशातील सथिनी या गावात एका महिलेची अलिकडेच हत्या झाली होती. ज्याचा छडा लावण्यात आला पोलिसांनी यश आलं आहे. महिलेच्या पतीनेच ही हत्या केल्याचं आता समोर आलं आहे. मृत महिलेने तिच्या पतीला रात्री मोबाइल पाहू नका एवढंच सांगितल्याने पती चिडला आणि त्याने पत्नीची हत्या केली. बेडरूममध्ये आल्यानंतर पत्नीने दिलेला सल्ला पतीला आवडला नाही आणि त्याने चिडून थेट आपल्या पत्नीचे तोंड ब्लँकेटने दाबून तिची हत्या केली.
दरम्यान,पत्नीच्या हत्येनंतर पतीने घरातील सामान इकडे तिकडे पसरवून ठेवलं. त्याने पोलिसांना सांगितले की काही चोरट्यांनी चोरीच्या उद्देशाने घरात घुसून त्याच्या पत्नीची हत्या केली.
हे ही वाचा>> 'त्यांनी' विवाहित तरूणाचा प्रायव्हेट पार्टच टाकला कापून, तरुणाने घरी जाऊन पत्नीला सांगितलं अन्...
जेव्हा पोलिसांना या घटनेबाबत माहिती मिळाली तेव्हा पोलिसांनी तात्काळ घटनास्थळी पोहोचून चौकशी सुरू केली. पोलीस चौकशीदरम्यान, आरोपी पतीने सांगितले की, काही चोर घरात घुसले होते, ज्यांनी लाखो रुपयांचा माल चोरला होता आणि त्याच दरम्यान, पत्नीची हत्या देखील केली.
पोलिसांना आला पतीचा संशय
पती ज्या पद्धतीने पोलिसांना माहिती देत होता ते पाहाता पोलिसांना त्याचा अधिकच संशय आला. त्यामळे पोलिसांनी पुढील तपास सुरू केला. पतीचे म्हणणे आणि गुन्ह्याच्या ठिकाणी सापडलेले पुरावे या दोन्ही गोष्टी जुळत नव्हत्या. त्यामुळे पोलिसांचा संशय अधिकच बळावला.
हे ही वाचा>> महिलेचे सुरू होते भलत्याच पुरूषासोबत अनैतिक संबंध, पती आणि दिराला समजलं अन्...
सुरुवातीपासूनच पोलिसांना असे वाटले की चोरीची कहाणी आणि गुन्ह्याच्या ठिकाणी पडलेल्या वस्तू तयार केल्या गेल्या आहेत. त्यानंतर पोलिसांनी आरोपी पतीला ताब्यात घेतले आणि त्याची कडक चौकशी सुरू केली. त्यानंतर संपूर्ण प्रकरण उघडकीस आलं. अतिरिक्त एसपी आरती सिंह यांनी सांगितले की, 27 जूनच्या रात्री जेवणानंतर पती-पत्नी त्यांच्या खोलीत झोपायला गेले.
पती पत्नीची हत्या केल्यानंतर रुग्णालयात गेला
दरम्यान, झोपण्यास खूप उशिरा झाला होता. पण त्याचवेळी पती आपल्या मोबाइलमध्ये काही गोष्टी पाहत होता. त्यावेळी त्याच्या पत्नीने त्याला याच गोष्टीवरून हटकलं. मोबाइल बंद करा अन् झोपा. असं पत्नीने पतीला सांगितलं. पण याच गोष्टीचा त्याला प्रचंड राग आला आणि त्याने पत्नीची हत्या केली.
आपण रागाच्या भरात एक अत्यंत भयंकर असं कृत्य केलंय याची जेव्हा पतीला जाणीव झाली तेव्हा त्याने आपल्या बेडरूममध्ये असलेल्या कपाटातील काही वस्तू काढून संपूर्ण खोलीत पसरवून ठेवल्या. त्यानंतर त्याने आपल्या एका मित्राला बोलावलं.
खोलीत बनावट परिस्थिती निर्माण करून, आरोपी पतीने चोराने आपल्या पत्नीची हत्या केल्याचे भासवण्याचा प्रयत्न केला. पण पोलीस चौकशीदरम्यान आरोपीने स्वतः हत्येची कबुली दिली. त्याने सांगितले की त्याची पत्नी त्याला मोबाइल वापरू देत नव्हती. म्हणून त्याने ब्लँकेटने तिचा गळा दाबून तिची हत्या केली. पोलिसांनी आरोपीला अटक करून न्यायालयात हजर केले.
हे वाचलं का?
