Sanjay Raut : राऊतांचा व्यंगचित्रातून राज ठाकरेंवर वार, ''मोदींचे हात बळकट करा''

दिल्लीतील राज ठाकरे आणि अमित शाहच्या भेटीनंतर संजय राऊत यांनी जोरदार निषाणा साधला आहे. खरं तर राज ठाकरेंनी आतापर्यंत जाहीर सभेतून आणि व्यंगचित्राच्या माध्यमातून पंतप्रधान नरेंद्र मोदींवर नेहमीच टीका केली आहे. राज ठाकरेंच्या याच जुन्या व्यंगचित्राचा आधार घेऊन संजय राऊतांनी राज ठाकरेंवर निशाणा साधला आहे. 

हे ही वाचा : Madha Lok Sabha : माढ्याचा तिढा कायम! फडणवीसांसोबतच्या बैठकीनंतर रामराजेंनी मांडली स्पष्ट भूमिका

संजय राऊत यांनी राज ठाकरेंनी रेखाटलेलं व्यंगचित्र एक्सवर शेअर केले आहे. अप्रतिम! अलीकडच्या काळातील मला सगळ्यात आवडलेले व्यंगचित्र!really great...चित्रकार...सुप्रसिद्ध...होऊ दे चर्चा!!!. असं संजय राऊतांनी ट्विट करत राज ठाकरेंना डिवचलं आहे. दरम्यान  संजय राऊत यांनी शेअर केलेलं व्यंगचित्र राज ठाकरेंनी 2019 मध्ये रेखाटलं होतं. या व्यंगचित्राद्वारे राज ठाकरेंनी पंतप्रधान नरेंद्र मोदी आणि गृहमंत्री अमित शाह यांच्यावर निशाणा साधला होता. 

दरम्यान राज ठाकरेंचे हे व्यंगचित्र 2019 सालचे आहे. या व्यंगचित्राला 'स्वतंत्रते न बघवते' असे शीर्षक राज ठाकरे यांनी दिले होते.  पंतप्रधान मोदी 'प्रजासत्ताक' फासावर लटकवत आहेत आणि मोदींचे हात बळकट कर, असे म्हणत शाह त्यांच्या भूमिकेला समर्थन देत असल्याचे व्यंगचित्रामध्ये दाखवण्यात आले आहे.

हे ही वाचा : "श्रीनिवास बापू आमचं ठरलंय...", अजित पवारांच्या भावाला प्रत्युत्तर