तौक्ते चक्रीवादळाचा फटका बसला सलमान खानला, भाईजानच्या या आगामी सिनेमाच्या सेटचं झालं वादळामुळे नुकसान

टायगर ३ सिनेमात दुबईमधला बाजार शूट करण्यासाठी गोरेगावमधल्या एसआरपीएफ ग्राउंडवर भलामोठा सेट उभारण्यात आला होता. तौक्ते चक्रीवादळात हा भलामोठा सेट उडून गेला. सुदैवाने सध्या मालिका आणि सिनेमाच्या शूटिंगना परवानगी नसल्यामुळे चक्रीवादळाच्यावेळी कोणतंही शूटींग इथे सूरू नव्हतं. त्यामुळे यावेळी कोणीही सेटवर नसल्यामुळे यात कोणालाही दुखापत झालेली नाही.मात्र टायगर ३ सिनेमाच्या निर्मात्यांचं मोठ्या प्रमाणात नुकसान झालं आहे.

ज्यावेळी महाराष्ट्रात चक्रीवादळाची घोषणा करण्यात आली होती, त्यानंतर काही फिल्ममेकर्सनी आपल्या चित्रपटाच्या सेट्सना कवर कऱण्यासाठी काही मजूर त्या ठिकाणी पाठवले होते. चक्रीवादळामुळे फिल्म सिटीचं मोठ्या प्रमाणात नुकसान झालंय. निदान सध्याच्या सुरू असलेल्या लॉकडाउनमुळे शूटिंग बंद होतं. त्यामुळे केवळ मालमत्तेचं नुकसान झालंय. कुणाला इजा झाली नाही. संजय लीला भन्साळी त्यांची आगामी फिल्म ‘गंगूबाई काठियावाड़ी’च्या सेटला तर वाचवू शकले. गेल्या पावसाळ्यात त्यांनी त्यांच्या सेटला कवर केलं होतं.