मोठी बातमी! पोलीस निरीक्षक नंदकुमार गोपाळे, आशा कोरके यांना CID ने केली अटक - Mumbai Tak
Mumbai Tak /बातम्या / मोठी बातमी! पोलीस निरीक्षक नंदकुमार गोपाळे, आशा कोरके यांना CID ने केली अटक
बातम्या

मोठी बातमी! पोलीस निरीक्षक नंदकुमार गोपाळे, आशा कोरके यांना CID ने केली अटक

भाईंदर येथील बिल्डर शामसुंदर अग्रवालकडून कोट्यवधींची रोकड आणि स्थावर मालमत्ता बळकावल्याप्रकरणी मरिन ड्राईव्ह पोलीस ठाण्यात मुंबईचे माजी पोलीस आयुक्त परमबीर सिंग यांच्यासह काही पोलिसांवर गुन्हा दाखल करण्यात आला आहे. या गुन्ह्याचा तपास राज्य गुन्हे अन्वेषण विभाग म्हणजेच सीआयडीकडे वर्ग करण्यात आला. त्यांनी आज मोठी कारवाई करत पोलीस अधिकारी नंदकुमार गोपाळे आणि आशा कोकरे या दोघांना अटक केली आहे.

या प्रकरणातील सहआरोपी आणि परमबीर सिंग यांचा निकटवर्तीय संजय पुनमिया याने राज्य सरकारमधील बड्या मंत्र्याच्या मागे तपास यंत्रणांची चौकशी आणि सरकार पाडण्याचा कट रचल्याचा तसंच परमबीर यांचे अंडरवर्ल्डसोबत संबंध असल्याचा तक्रारदाराचा दावा केला आहे. त्यामुळे सखोल तपास करण्यासाठी हा सरकारने हे प्रकरण सीआयडीकडे दिलं आहे.

मोक्काच्या गुन्ह्यातील आरोपी असल्याने अग्रवाल याच्या तक्रारीनुसार 21 जुलैला परमबीर यांचे निकटवर्तीय पुनामिया, सुनील जैन, उपायुक्त अकबर पठाण, एसीपी श्रीकांत शिंदे, वरिष्ठ निरीक्षक आशा कोकरे, नंदकुमार गोपाळे, संजय पाटील, यांच्यावर गुन्हा दाखल केला आहे.

या प्रकरणाचा तपास करण्यासाठी आयुक्त हेमंत नगराळे यांनी एसआयटी स्थापन केली होती. उपायुक्त निमित्त गोयल यांच्या नेतृत्वाखाली आणि तपास अधिकारी एम. एम. मुजावर यांच्यासह सात अधिकाऱ्यांचा यात समावेश होता. मात्र हे सगळं प्रकरण गुंतागुंतीचं असल्याने आणि यामध्ये राजकीय तसंच अंडरवर्ल्ड कनेक्शन असलेल्या ते सीआयडीकडे देण्यात आलं. त्यानंतर आता सीआयडीने ही कारवाई केली आहे.

आशा कोरके आणि नंदकुमार गोपाळे या दोघांनाही आज कोर्टात हजर केलं जाणार आहे. 5 मार्च 2021 ला क्राईम ब्रांच युनिट नाईनचे पोलीस निरीक्षक नंदकुमार गोपाळे आणि पोलीस निरीक्षक आशा कोरके यांनी शामसुंदर अग्रवालला अटक न करण्यासाठी 50 लाखांची मागणी केली होती. ही रक्कम एका त्रयस्थ इसमामार्फत या दोघांनी स्वीकारली असा आरोप होता. त्यासंदर्भातला पुरावा सीआयडीला मिळाला असल्याने ही कारवाई करण्यात आली आहे.

सीआयडी कडून अटक करण्यात आलेली ही पहिली अटक असून इतर आरोपीची भूमिका स्पष्ट झाल्यास त्यांना अटक होईल असे जगताप यांनी म्हटले आहे. अटक करण्यात आलेले नंदकुमार गोपाळे आणि आशा कोरके यांना मंगळवारी मुंबईतील अतिरिक्त मुख्य न्यायदंडाधिकारी ८वे न्यायालय मुंबई येथे हजर करण्यात येणार आहे.

Leave a Reply

Your email address will not be published. Required fields are marked *

2 × 5 =

आश्चर्यकारक! चक्क 3 फुटांची गाय 30 किलो वजन घटवलं, अन् अभिनेत्रीला मिळाला बॉलिवूडमध्ये ब्रेक चित्रपटाच्या शुटिंगनंतर हिरो-हिरोईनच्या महागड्या आउटफिट्सचं काय होतं? Akshay Kumar सोबत ‘टिप टिप बरसा पानी’च्या शूटिंगपूर्वी रवीनाने कोणत्या अटी घातल्या? Sara Tendulkar अडीच तास अडकली ट्रॅफिकमध्ये, Video Viral Dinesh Kartik : बायकोने मित्राशीच संसार थाटला, आयुष्य झाले उद्धस्त अन्.. लव्ह की अरेंज मॅरेज? Jaya Kishori ने लग्नाच्या मुद्द्यावर सोडलं मौन! Virat Kohli चा फिटनेस मंत्रा, खातो 90% उकडलेलं अन्न; कारण जाणून तुम्हीही खाल! रवी शास्त्रीसोबत अफेअरची चर्चा, 30 चित्रपट नाकारून ओटीटीवर एन्ट्री! कोण आहे ‘ती’ अभिनेत्री? Sara Ali Khan: महाकालेश्वराच्या दर्शनावरून ट्रोल करणाऱ्यांना साराचं चोख उत्तर, म्हणाली.. Ahmednagar ते ‘अहिल्यानगर’… नव्या नामांतराची रंजक कहाणी बिअर ओतताना कधीच ग्लास तिरपा करू नका, कारण… Vijay Sethupathi : सोशल मीडियावरून जडला जीव; ‘खलनायका’ची रोमँटिक Love story 82 वर्षाच्या अभिनेत्याची 53 वर्ष लहान गर्लफ्रेंड? आता होतेय आई… अंबानींच्या घरी चिमुकलीचं आगमन, श्लेाकाने दिला बाळाला जन्म दारूपासून चार हात लांबच राहतात ‘हे’ बॉलिवूड स्टार, एक तर 80व्या वर्षीही फिट IPL 2023 मध्ये कष्टाचं चीज झालं, ‘या’ खेळाडूंवर पडला पैशांचा पाऊस Nirmala Nawale : अभिनेत्री नाही, तर राष्ट्रवादीच्या… नवरदेवाच्या लुकमध्ये चक्क Elon Musk! पाहिलेत का ‘हे’ खास Photo कोण आहेत IPL च्या टीमचे मालक, किती आहे श्रीमंत?