Taliban-Afghanistan Conflict : अफगाणिस्तानात पुन्हा तालिबानी राजवट?; काबूलमध्ये काय घडतंय… जगाच्या लागल्या नजरा
अफगाणिस्तानात पुन्हा एकदा तालिबानी राजवट येणार हे जवळपास निश्चित झालं आहे. अफगाणिस्तानचे राष्ट्राध्यक्ष अशरफ घनी यांनी पुन्हा युद्ध लादू देणार नाही, असं म्हणत सत्ता न सोडण्याचा इशारा दिला होता. मात्र, २४ तासांतच तालिबानी बंडखोरांनी राजधानी काबूलच्या सीमांना सर्व बाजूंनी वेढा देत अशरफ घनी यांना शरणागती पत्करण्यास भाग पाडलं. गेल्या २४ तासांत काय झालं? अमेरिकन सैन्याच्या […]
ADVERTISEMENT
अफगाणिस्तानात पुन्हा एकदा तालिबानी राजवट येणार हे जवळपास निश्चित झालं आहे. अफगाणिस्तानचे राष्ट्राध्यक्ष अशरफ घनी यांनी पुन्हा युद्ध लादू देणार नाही, असं म्हणत सत्ता न सोडण्याचा इशारा दिला होता. मात्र, २४ तासांतच तालिबानी बंडखोरांनी राजधानी काबूलच्या सीमांना सर्व बाजूंनी वेढा देत अशरफ घनी यांना शरणागती पत्करण्यास भाग पाडलं.
गेल्या २४ तासांत काय झालं?
अमेरिकन सैन्याच्या माघारीनंतर अफगाणिस्तानात गृहयुद्ध उफाळून आलं. गेल्या २४ तासांत अफगाणिस्तानचे राष्ट्राध्यक्ष अशरफ घनी यांनी तालिबानला तोंड देण्याचा निर्धार व्यक्त केला. मात्र, तालिबानी बंडखोरांनी आक्रमक होत काबूलच्या दिशेनं कूच केली. रविवारी सकाळी तालिबानी बंडखोरांनी काबूलची नाकाबंदी केली. तर काही ठिकाणी बंडखोर शहरात घुसल्याचंही समोर आलं.
The Taliban have started entering #Kabul from all sides, according to the Afghan interior ministry.https://t.co/vkXMNqf5fb pic.twitter.com/LOm3o260KR
— Al Arabiya English (@AlArabiya_Eng) August 15, 2021
काबूल शहराला वेढा दिल्यानंतर तालिबाननं शांततेत सत्तांतर केलं जावं असं म्हटलं. त्यानंतर राष्ट्राध्यक्ष अशरफ घनी यांनी नमती भूमिका घेतली. त्यानंतर तालिबानचं शिष्टमंडळ अफगाणिस्तानच्या राष्ट्रपती भवनात दाखल झालं. काबूलमध्ये अतिशय वेगानं या घडामोडी घडत असून, त्याकडे जगाचं लक्ष लागलं आहे.