Andheri ByPoll: पोटनिवडणुकीच्या रिंगणात २५ उमेदवार, मुख्य लढत ऋतुजा लटके-मुरजी पटेल यांच्यात

Andheri East Bypoll Election महाराष्ट्र विधानसभेच्या 166-अंधेरी पूर्व या मतदारसंघाच्या एका जागेसाठी २५ उमेदवारांनी नामनिर्देशन पत्रं निवडणूक निर्णय अधिकारी प्रशांत पाटील यांच्याकडे दाखल केली आहेत. मात्र मुख्य लढत आहे ती भाजपचे मुरजी पटेल आणि शिवसेना उद्धव बाळासाहेब ठाकरे या पक्षाच्या उमेदवार ऋतुजा लटके यांच्यातच. आमदार रमेश लटके यांच्या निधनानंतर ही जागा रिक्त झाली. त्यानंतर शिवसेनेत भूकंप होऊन दोन गट पडले. उद्धव ठाकरे गटाने ऋतुजा लटकेंना या ठिकाणाहून उमेदवारी दिली आहे. ऋतुजा लटके या दिवंगत आमदार रमेश लटके यांच्या पत्नी आहेत.