कापूस उत्पादक शेतकऱ्याचे अच्छे दिन, प्रति क्विंटल भावाने ओलांडला ११ हजारांचा टप्पा

कापूस पिकाच्या इतिहासातला हा आतापर्यंतचा सर्वाधिक भाव मानला जात आहे. गेल्या काही वर्षांच्या काळात कापूस उत्पादक शेतकरी बोंडअळी, ओला दुष्काळ आणि नापिकीच्या दुष्टचक्रात अडकला होता. परंतू यानंतर कापसाला चांगला भाव मिळत असल्यामुळे शेतकऱ्याच्या चेहऱ्यावरही समाधानाचे काही क्षण पहायला मिळत आहेत.

यावर्षीच्या हंगामातील कापसाला मिळत असलेल्या भावानं शेतकऱ्याच्या आयुष्यात आनंद आणि उमेदीची नवी पालवी फुललीये. ‘यावर्षी सीसीआयनं कापसाच्या मध्यम धाग्याला ५ हजार ७७५ तर लांब धाग्याला ६ हजार १०० एव्हढा हमीभाव जाहीर केला आहे. त्यामूळे अकोटमध्ये हमीभावापेक्षा क्विंटलमागे जवळपास ५ हजारापेक्षा अधिक भाव शेतकऱ्यांना मिळतो आहे.

काय आहेत अकोट येथील बाजारात कापसाला जास्त भाव मिळण्यामागची कारणं?

१) अकोटमध्ये जिनिंगचे तब्बल २० युनिट आहेय.

२) येथील जिनिंगला दररोज १५ हजार क्विंटल कापसाची आवश्यकता पडतेय.

३) वऱ्हाडातील कापसात रूईचे प्रमाण अधिक आणि सरकीची जाडी कमी. यामूळे बाजारात या कापसाला चांगलीच मागणी.

४) येथला कापूस पुढे बांग्लादेश आणि चिनमध्येही निर्यात होतो.