Vaccine Certificate पासपोर्टशी कसा लिंक करायचा? जाणून घ्या अगदी सोपी पद्धत

व्हॅक्सिन प्रमाणपत्रासह पासपोर्ट नंबर असा करा लिंक

आता Cowin अॅपद्वारे आपण सहजपणे हे काम करू शकाल. आरोग्य सेतूच्या अधिकृत ट्विटर हँडलवरून ही माहिती देण्यात आली आहे. यामध्ये सांगण्यात आले आहे की, आपण कमीत कमी वेळेत आपलं व्हॅक्सिन प्रमाणपत्रास हे पासपोर्ट नंबरशी कशाप्रकारे लिंक करु शकता. लिंक करण्यासाठी पुढील प्रक्रिया फॉलो करा.

Now you can update your Passport number in your vaccination certificate.
Login to https://t.co/S3pUooMbXX.
Select Raise a Issue
Select the passport option

Select the person from the drop down menu

Enter passport number
Submit

You will receive the new certificate in seconds. pic.twitter.com/Ed5xIbN834

— Aarogya Setu (@SetuAarogya) June 24, 2021

• CoWIN अ‍ॅपवर लॉग इन करा

आपल्याला हे देखील लक्षात असू द्या की, भारत सरकारने आपल्या मार्गदर्शक सुचनेमध्ये स्पष्ट केले आहे की, आता जर एखाद्या व्यक्तीला परदेशात नोकरीसाठी किंवा शिक्षणासाठी जायचे असेल किंवा ते टोकियो ऑलिम्पिकमध्ये जात असतील तर त्यांनी आता व्हॅक्सिन प्रमाणपत्र हे पासपोर्ट क्रमांकाशी लिंक करणं बंधनकारक असेल. त्यामुळे आता तेच काम सोपं करुन कोविन अ‍ॅपवरही तीच सुविधा देण्यात आली आहे.

चुकीचे नाव कसे दुरुस्त करावे?

तसे, काही लोकांची तक्रार देखील आहे की प्रमाणपत्र आणि पासपोर्टवर त्यांचे नाव वेगळ्या प्रकारे लिहिले गेले आहे. अशा परिस्थितीत आता ती चूक सुधारता येणार आहे. आरोग्य सेतूच्या अधिकृत ट्विटर हँडलवरून सांगण्यात आले आहे की अशा परिस्थितीत ‘नेम करेक्शनची’ची सुविधा देण्यात आली आहे. परंतु दुरुस्ती फक्त एकदाच केली जाऊ शकते. म्हणून सर्व तपशील काळजीपूर्वक भरण्याचे आवाहन करण्यात आले आहे.