Parvez Musharraf : कारगिल युद्ध, शरीफांच्या सत्तेला सुरुंग; अशी आहे मुशर्रफांची कहाणी

नवाझ शरीफ यांनी बनवलं होतं लष्कर प्रमुख

1997 मध्ये जेव्हा नवाझ शरीफ यांनी पाकिस्तानच्या सार्वत्रिक निवडणुका जिंकल्या. पंतप्रधान झाल्यानंतर नवाझ शरीफ यांनी जनरल परवेझ मुशर्रफ यांना पाकिस्तानचे लष्करप्रमुख बनवले. लष्करप्रमुख म्हणून परवेझ मुशर्रफ हळूहळू शक्तिशाली झाले आणि त्यांचा सरकारमधील प्रभाव वाढला.

कारगिल युद्धाची सुरुवात

कारगिल युद्धासाठी जनरल परवेझ मुशर्रफ यांना जबाबदार मानलं जातं. कारगिल युद्धाच्या वेळी ते पाकिस्तानच्या लष्कराचे प्रमुख होते. त्यावेळी त्यांनी तत्कालीन पंतप्रधान नवाझ शरीफ यांना न सांगता कारगिल युद्ध सुरू केले.

1999 मध्ये जनरल परवेझ मुशर्रफ यांनी लष्करी बंड करून नवाझ शरीफ यांना सत्तेवरून हटवले. नवाझ शरीफ यांना याची आधीच कल्पना होती, त्यामुळे त्यांनी आधीच संशयाच्या आधारे मुशर्रफ यांना लष्करप्रमुख पदावरून हटवले होते. पण त्यांच्यानंतर मुशर्रफ यांच्या जागी लष्करप्रमुख बनलेले जनरल अझीझ हे मुशर्रफ यांचे निष्ठावंत निघाले. यानंतर नवाझ शरीफ यांची उचलबांगडी झाली.

Pervez Musharraf : पाकिस्तानचे माजी राष्ट्राध्यक्ष परवेझ मुशर्रफ यांचं निधन

परवेझ मुशर्रफ यांना राष्ट्रपती म्हणून दीर्घकाळ सत्ता सांभाळल्यानंतर पाकिस्तानचे राष्ट्राध्यक्ष घोषित करण्यात आले. परवेझ मुशर्रफ 2001 ते 2008 या काळात पाकिस्तानचे अध्यक्ष होते. मात्र, नंतर त्यांना पाकिस्तानच्या सरकारी यंत्रणेचे बळी व्हावे लागले.

मुशर्रफना सुनावण्यात आली होती मृत्यूदंडाची शिक्षा

जनरल परवेझ मुशर्रफ यांना माजी पंतप्रधान बेनझीर भुट्टो हत्या प्रकरणात आणि लाल मशीद प्रकरणात फरार घोषित करण्यात आले होते. डिसेंबर 2019 मध्ये, पाकिस्तानच्या विशेष न्यायालयाने परवेझ मुशर्रफ यांना देशद्रोहाच्या प्रकरणात दोषी ठरवले आणि त्यांना फाशीची शिक्षा सुनावली होती. 2007 मध्ये आणीबाणी जाहीर केल्याबद्दल मुशर्रफ यांच्यावर देशद्रोहाचा आरोप होता.

दुबईत अखेरचा श्वास घेतला

जेव्हा मुशर्रफ यांना पाकिस्तानात तुरुंगात जाण्याची भीती वाटू लागली तेव्हा ते 2016 मध्ये प्रकृतीचे कारण सांगून परदेशात गेले. तत्कालीन पाकिस्तान सरकारने मुशर्रफ यांचे नाव एक्झिट कंट्रोल लिस्टमधून काढून टाकले होते. एवढेच नाही तर नंतर त्यांना देशाबाहेर जाण्याची परवानगीही मिळाली. 2016 पासून ते दुबईत राहीले आणि आज अखेर प्रदीर्घ आजाराने त्यांचे निधन झाले.

भारतासोबतचे संबंध

1999 कारगिल युद्ध : कारगिल युद्ध दोन गोष्टींसाठी सर्वात जास्त लक्षात ठेवले जाते. एक भारतीय लष्कराच्या अदम्य शौर्यासाठी आणि दुसरे मुशर्रफ यांच्या कुटीलपणासाठी. मुशर्रफ यांनी आपल्या राजकीय आकांक्षा पूर्ण करण्यासाठी कारगिल युद्ध सुरू केल्याचे मानले जाते. त्यावेळी ते पाकिस्तानचे लष्करप्रमुख होते. ‘इन द लाइन ऑफ फायर’ या आत्मचरित्रात त्यांनी लिहिले आहे की, कारगिल युद्धात पाकिस्तानी सैन्य सहभागी झाले होते. मात्र, याआधी पाकिस्तानने हे तथ्य लपवून ठेवले होते. पराभवाचा पेच टाळण्यासाठी मुशर्रफ यांनी संपूर्ण जबाबदारी तत्कालीन पंतप्रधान नवाझ शरीफ यांच्यावर टाकली.नवाझ शरीफ यांनी कारगिल युद्धातून माघार घेण्यास सांगितले होते, असे ते म्हणाले.

इम्रान खान यांना सत्तेतून खाली खेचणारे शाहबाज शरीफ कोण आहेत?

आग्रा शिखर वार्ता : जुलै 2001 मध्ये भारताचे तत्कालीन पंतप्रधान अटलबिहारी वाजपेयी आणि बळजबरीने राष्ट्रपती पदावर विराजमान झालेले मुशर्रफ यांची आग्रा येथे भेट झाली. या शिखर परिषदेत मुशर्रफ यांच्याशी काश्मीर प्रश्नावर कोणताही करार होऊ शकला नाही. मुशर्रफ यांच्या आडमुठेपणामुळे ही चर्चा रुळावर आली नाही. वाजपेयींनी मुशर्रफ यांना काश्मीरमध्ये सीमेपलीकडून होणार्‍या दहशतवादी कारवाया थांबवण्यास सांगितले होते.

संसदेवर हल्ला : 2001 मध्येच भारतीय संसदेवर हल्ला झाला होता. या हल्ल्यात पाकिस्तानने आर्थिक मदत करणाऱ्या लष्कर-ए-तैयबा आणि जैश-ए-मोहम्मदसारख्या संघटनांचा हात होता. मुशर्रफ यांनी हल्ल्यानंतर अनेक वर्षांनी कबूल केले होते की ते त्यांच्या जागी दहशतवाद्यांना प्रशिक्षण देत आणि त्यांना भारतीय लष्कराशी लढण्यासाठी पाठवत असत.

जेव्हा मुशर्रफ भारताला घाबरले: पुलवामा हल्ल्यानंतर दोन्ही देशांमधील तणाव धोकादायक पातळीवर पोहोचल्याचे मुशर्रफ यांनी सांगितले होते. पाकिस्तानने आपल्या शेजारी देशावर एका अणुबॉम्बने हल्ला केला तर शेजारी देश आपल्याला वीस अणुबॉम्बने नष्ट करू शकतो, असे ते म्हणाले होते.