कुंभमेळा प्रतीकात्मक असला पाहिजे.. पंतप्रधान नरेंद्र मोदींचा स्वामी अवधेशानंद यांना फोन

हरिद्वारमध्ये कुंभमेळा भरला आहे या ठिकाणी लाखो साधूंची गर्दी झाली आहे. 10 ते 14 एप्रिल या काळात या ठिकाणी 1701 जणांना कोरोनाची बाधा झाली. तसंच आणखीही केसेस वाढत आहेत. कुंभमेळ्यामुळे कोरोनाचा उद्रेक होऊ शकतो अशीही भीती व्यक्त होते आहे. या सगळ्या पार्श्वभूमीवर पंतप्रधान नरेंद्र मोदी यांनी कुंभमेळा प्रतीकात्मक पद्धतीने साजरा केला जावा असं म्हटलं आहे.

Kumbh Mela 2021 : महानिर्वाणी अखाड्याचे प्रमुख स्वामी कपिल देव यांचं कोरोनाने निधन

पंतप्रधान नरेंद्र मोदी यांनी ट्विट करून यासंदर्भातली माहिती दिली आहे. सर्व संत आणि महंत यांच्या प्रकृतीची माहिती मी घेतली आहे. दोन शाही स्नानांचा सोहळा पार पडला आहे आता कुंभमेळा प्रतीकात्मक पद्धतीने पार पाडावा अशी विनंती अवधेशानंद गिरी यांना केली आहे असं मोदींनी त्यांच्या ट्विटमध्ये म्हटलं आहे.

पंतप्रधान नरेंद्र मोदी यांच्या ट्विटला अवधेशानंद यांनीही सकारात्मक प्रतिसाद दिला आहे. पंतप्रधान नरेंद्र मोदी यांनी केलेल्या आवाहनचा आम्ही सन्मान करतो. आयुष्य अनमोल आहे, जीव वाचवणं महत्त्वाचं आहे त्यामुळे मी तमाम जनतेला आग्रही विनंती करतो आहे की कोरोना परिस्थिती पाहता मोठ्या संख्येने स्नान करण्यास येऊ नये. त्याच बरोबर कोरोना प्रतिबंधाच्या सगळ्या नियमांचं पालन करावं असंही अवधेशानंद यांनी म्हटलं आहे.