काँग्रेसला झटका! कॅप्टन अमरिंदर सिंग मांडणार वेगळी चूल; भाजपसह इतर पक्षांना घेणार सोबत
पंजाबच्या राजकारणात मंगळवारी सायंकाळी आणखी एक भूकंप झाला. या राजकीय भूकंपाने काँग्रेसला मोठा हादरा बसला आहे. माजी मुख्यमंत्री आणि काँग्रेसचे ज्येष्ठ नेते अमरिंदर सिंग यांनी वेगळी वाट निवडण्याचा निर्णय घेतला आहे. कॅप्टन अमरिंदर सिंग नवीन पक्ष स्थापन करणार असून, त्यांनी मंगळवारी याबद्दलची घोषणा केली. नवज्योत सिंग सिद्धू गटामुळे मुख्यमंत्रीपदावरून पायउतार व्हावं लागलेल्या कॅप्टन अमरिंदर सिंग […]
ADVERTISEMENT
पंजाबच्या राजकारणात मंगळवारी सायंकाळी आणखी एक भूकंप झाला. या राजकीय भूकंपाने काँग्रेसला मोठा हादरा बसला आहे. माजी मुख्यमंत्री आणि काँग्रेसचे ज्येष्ठ नेते अमरिंदर सिंग यांनी वेगळी वाट निवडण्याचा निर्णय घेतला आहे. कॅप्टन अमरिंदर सिंग नवीन पक्ष स्थापन करणार असून, त्यांनी मंगळवारी याबद्दलची घोषणा केली.
नवज्योत सिंग सिद्धू गटामुळे मुख्यमंत्रीपदावरून पायउतार व्हावं लागलेल्या कॅप्टन अमरिंदर सिंग यांनी अखेर काँग्रेसला राम राम ठोकला. कॅप्टन अमरिंदर सिंग यांनी मंगळवारी नवीन पक्ष स्थापन करणार असल्याची घोषणा करत काँग्रेसमधून बाहेर पडत असल्याचं अप्रत्यक्षपणे स्पष्ट केलं.
कॅप्टन अमरिंदर सिंह यांचे माध्यम सल्लागार रवीन ठुकराल यांनी ट्वीट करत पंजाबसह देशाच्या राजकारणात खळबळ उडवून दिली. रवीन ठुकराल यांनी कॅप्टन अमरिंदर सिंग नवीन पक्ष स्थापन करणार असल्याची माहिती ट्वीट करून दिली.
कॅप्टन अमरिंदर सिंग यांचा हवाला देत त्यांनी एक ट्वीट केलं. ज्यात म्हटलेलं आहे की, ‘पंजाबच्या भविष्याची लढाई सुरू आहे. मी लवकरच स्वतःच्या नवीन राजकीय पक्षाची घोषणा करणार आहे. हा पक्ष पंजाबमधील लोकांच्या आणि शेतकऱ्यांच्या हितासाठी काम करेल, जे मागील एका वर्षापासून संघर्ष करत आहेत’, असं अमरिंदर सिंग यांनी म्हटलं आहे.