शेतकरी आंदोलनाचा भाजपला जोरदार झटका, पंजाबमध्ये काँग्रेसचे जय हो

आजच्या निकालात काँग्रेस हा सगळ्यात मोठा पक्ष म्हणून समोर येताना दिसतोय. तर कृषी कायद्यावरून एनडीएची साथ सोडणाऱ्या शिरोमणी अकाली दलासोबतच भाजपलाही मानहानीकारक पराभवाला सामोरं जावं लागतंय.

गेल्या विधानसभा निवडणुकीत राज्यातला प्रमुख विरोधी पक्ष म्हणून उदयाला आलेल्या अरविंद केजरीवाल यांच्या आम आदमी पार्टीलाही पराभवाचं तोंड बघावं लागतंय.

पंजाब में भाजपा साफ।

जल्द देश भी पंजाब की राह पर चल कर 'स्वच्छ भारत अभियान' के तहत भाजपा का सूपड़ा साफ कर देश को 'नफरत और झूठ' की राजनीति से मुक्त करेगा।

कयोंकि अब किसान की आवाज़ ही देश की आवाज़ है !

— Rohan Gupta (@rohanrgupta) February 17, 2021

जवळपास सगळ्याच पालिकांमध्ये काँग्रेस सगळ्यात मोठा पक्ष म्हणून समोर येताना दिसतोय, तर काही ठिकाणी काँग्रेसला एकहाती सत्ता मिळालीय. आतापर्यंत लागलेल्या निकालातून शेतकरी आंदोलनाचा प्रभाव स्पष्ट झालाय.

आतापर्यंत आलेला निकाल पुढीलप्रमाणे-

बाटला नगरपालिका- काँग्रेस 35, अकाली दल 6, भाजप 4, आप 3, अपक्ष 1

मोगा नगरपालिका – काँग्रेस 20, अकाली दल 15, भाजप 1, आप 4, अपक्ष 10

कपूरथला नगरपालिका – काँग्रेस 43, अकाली दल 3, अपक्ष 2

पठाणकोट नगरपालिका – काँग्रेस 37, अकाली दल 1, भाजप 11, अपक्ष 1

अबोहर नगरपालिका- काँग्रेस 49, अकाली दल 1

अमृतसर जिल्ह्याचा निकाल

रमदास
काँग्रेस 8
अकाली दल 3

मजीठा
काँग्रेस 2
अकाली दल 10
अपक्ष 1

रइया
काँग्रेस 12
अकाली दल 1

अजनाला
काँग्रेस 7
अकाली दल 8

जंदियाला
काँग्रेस 19
अकाली दल 3
अपक्ष 2

स्थानिक स्वराज्य संस्थांच्या निवडणुकीचे निकाल आज लागत आहेत. एकूण ११७ पालिकांसाठी ९ हजारांहून अधिक उमेदवार निवडणुकीच्या रिंगणात उतरले होते. शेतकरी आंदोलनाच्या पार्श्वभूमीवर झालेल्या या निवडणुकीकडे सगळ्यांचे लक्ष लागले होते. पण आतापर्यंत जे निकाल हाती आलेत, त्यात भाजपला मोठा फटका बसल्याचं दिसतंय.

८ महापालिका आणि १०० हून जास्त नगरपालिका आणि नगरपंचायतींसाठी २,३०२ वॉर्डात निवडणूक झाली. गेल्या १४ फेब्रुवारीला यासाठी मतदान पार पडलं. ७० टक्क्याहून जास्त एवढ्या विक्रमी मतदानाची नोंद झाली.

History has been made today!
Bathinda will get a Congress Mayor for the 1st time in 53 years!
Thank you to ALL Bathinda residents.

Congratulations to the people of Bathinda for a spectacular victory.
Kudos to all Congress candidates and workers, who toiled for this day. pic.twitter.com/Xvczq5MjfU

— Manpreet Singh Badal (@MSBADAL) February 17, 2021

स्थानिक स्वराज्य संस्थांसाठी सत्ताधारी काँग्रेसनं २,०३७, तर विरोधी पक्षातल्या शिरोमणी अकाली दलानं १,५९६ जागांवर उमेदवार दिले. भाजपने १,००३, आम आदमी पार्टीने १६,०६ आणि बसपाने १६० जागांवर उमेदवार दिले होते. कृषी कायद्यामुळे शिरोमणी अकाली दलाने एनडीएपासून फारकत घेतल्याने भाजपने स्वबळावर निवडणूक लढवली.