SSC Result 2021 : दहावीच्या निकालासंदर्भात mahresult.nic.in वर कोणतीच अपडेट नाही
महाराष्ट्र राज्य माध्यमिक व उच्च माध्यमिक शिक्षण मंडळातर्फे SSC निकालाची तारीख अद्याप जाहीर केलेली नाही. समोर आलेल्या माहितीनुसार निकाल 15 जुलै रोजी म्हणजेच आज जाहीर होणार नाही. कारण याबाबत आत्तापर्यंत mahresult.nic.in वर कोणतीही अपडेट नाही. महाराष्ट्राच्या शालेय शिक्षण मंत्री वर्षा गायकवाड यांनी सांगितल्यानुसार एसएससीचा निकाल 2020 ची तारीख 15 जुलै 2021 ही असणार होती. मात्र […]
ADVERTISEMENT
महाराष्ट्र राज्य माध्यमिक व उच्च माध्यमिक शिक्षण मंडळातर्फे SSC निकालाची तारीख अद्याप जाहीर केलेली नाही. समोर आलेल्या माहितीनुसार निकाल 15 जुलै रोजी म्हणजेच आज जाहीर होणार नाही. कारण याबाबत आत्तापर्यंत mahresult.nic.in वर कोणतीही अपडेट नाही. महाराष्ट्राच्या शालेय शिक्षण मंत्री वर्षा गायकवाड यांनी सांगितल्यानुसार एसएससीचा निकाल 2020 ची तारीख 15 जुलै 2021 ही असणार होती. मात्र यासंदर्भात कोणतीही अपडेट अद्याप आलेली नाही. त्यामुळे शिक्षण मंडळाच्या काही सूत्रांच्या माहितीनुसार या आठवड्याच्या अखेरीस निकाल जाहीर होऊ शकतो. तर महिना अखेरही लागू शकते अशा दोन शक्यता असल्याने विद्यार्थी आणि पालक यांच्यात काहीसं संभ्रमाचं वातावरण आहे.
दरवर्षी निकाल जाहीर होण्याच्या आधी एक दिवस बोर्ड अंतिम तारीख जाहीर करतं. यावर्षी SSC 2021 निकाल जाहीर होण्याचा एक दिवस म्हणजे 22 जुलै 2021 रोजीच्या अपडेट जाहीर केले जाण्याची शक्यता आहे. हा निकाल जाहीर झाला की अधिकृत वेबसाईट mahresult.nic.in आणि mahahsscboard.in वर तपासता येईल.
शाळांकडून सुरू असलेल्या दहावीच्या निकालांचे काम अखेरच्या टप्प्यात आहे. तसंच विद्यार्थ्यांचे अंतर्गत गुण सिस्टिममध्ये भरण्याचे काम पूर्ण होत आल्याचे बोर्डाकडून सांगण्यात येत आहे. शाळांकडून विद्यार्थ्यांच्या गुणांची माहिती विभागीय मंडळाकडे येणार आहे. ही सगळी माहिती एकत्र करून दहावीच्या परीक्षेचा अंतिम तयार करण्यासाठी प्रस्ताव राज्य मंडळाकडे पाठवण्यात येणार आहे. मात्र प्रत्यक्षात शाळा शिक्षकांकडून विद्यार्थ्यांची माहिती संगणक प्रणालीत भरण्यास वेळ लागत आहे त्यामुळे दहावीचा निकाल जाहीर होण्यास वेळ लागतो आहे असंही सांगितलं गेलं आहे.
दहावीच्या निकालाची वाट पाहणारे विद्यार्थी आपला निकाल अधिकृत पोर्टल mahresult.nic.in वर तपासू शकतात. निकालासंदर्भात अधिक माहिती महाराष्ट्र शिक्षण बोर्डाची अधिकृत वेबसाइट mahahsscboard.maharashtra.gov.in किंवा mahasscboard.in यावर जाहीर केली जाणार आहे. त्यामुळे विद्यार्थ्यांना आपल्या निकालासंदर्भातील माहितीसाठी या वेबसाइटवर लक्ष ठेवून राहावे लागेल.
हे वाचलं का?
