Maharashtra Health Card : कोरोनाच्या दुसऱ्या लाटेचा सामना करण्यासाठी सरकारकडून आरोग्य व्यवस्थेत वाढ

गेल्या काही दिवसांत राज्यात अनेक ठिकाणी ऑक्सिजनची कमतरता, रेमडेसिव्हीर इंजेक्शनचा तुटवडा, बेड्सची कमतरता अशा अनेक समस्या निर्माण झाल्या होत्या. परंतू या सर्व गोष्टींवर मात करत राज्य सरकारने गेल्या वर्षाच्या तुलनेत आरोग्य व्यवस्थेत उल्लेखनीय वाढ केल्याचं मुख्यमंत्र्यांनी स्पष्ट केलं.

वर्षभरात राज्यातील आरोग्य व्यवस्थेत उल्लेखनीय वाढ, जाणून घ्या राज्याचं Health Card –

RTPCR चाचण्यांसाठी प्रयोगशाळा –

मार्च २०२० – २ प्रयोगशाळा

२९ एप्रिल २०२१ – ६०९ प्रयोगशाळा

कोविड सेंटर्सची संख्या –

जुन २०२० – २ हजार ६६५

२९ एप्रिल २०२१ – ५ हजार ५९५

बेड्स –

जुन २०२० – ३ लाख ३६ हजार ३८४

२९ एप्रिल २०२१ – ४ लाख ३१ हजार ९०२

ऑक्सिजन बेड्स –

जुन २०२० – ४२ हजार ८१३

२९ एप्रिल २०२१ – ८६ हजार १०८

आय.सी.यू बेड्स –

जुन २०२० – ११ हजार ८८२

२९ एप्रिल २०२१ – २८ हजार ९३७

व्हेंटिलेटर्स –

जुन २०२० – ३ हजार ७४४

२९ एप्रिल २०२१ – ११ हजार ७१३

याव्यतिरीक्ता राज्यात ऑक्सिजन उत्पादनाची क्षमता वाढवला येईल यासाठी राज्य सरकार प्रयत्नशील असल्याचं उद्घव ठाकरेंनी सांगितलं. सध्या राज्याची ऑक्सिजन उत्पादनाची क्षमता ही १ हजार २७० टन असून वापर हा १ हजार ६१५ मेट्रीक टन एवढा होतो आहे. ऑक्सिजनच्याी वाहतुकीत येणारे अडथळे लक्षात घेऊन यापुढे राज्य सरकार ज्या ठिकाणी ऑक्सिजनची निर्मिती होते आहे त्याच भागात कोविड सेंटर उभारणीसाठी प्रयत्न करत असून काही भागांमध्ये याची सुरुवात झाल्याचंही ठाकरेंनी सांगितलं. ब्रेक द चेन नियमाअंतर्गत लावण्यात आलेल्या निर्बंधामुळे रुग्णसंख्या स्थिरावल्याचंही उद्धव ठाकरेंनी सांगितलं, त्यामुळे येणाऱ्या काळात राज्य सरकार कोरोनाच्या दुसऱ्या लाटेवर कधीपर्यंत नियंत्रण मिळवतं हे पाहणं महत्वाचं ठरणार आहे.