‘शरद पवार किंगमेकर नव्हे तर…’, देवेंद्र फडणवीसांची टीका

पहाटेच्या शपथविधीवर देखील देवेंद्र फडणवीसांनी भाष्य केले आहे. निवडणूकीआधीच पंतप्रधान मोदी, अमित शाह, जे पी नड्डा यांनी आम्ही निवडून आलो तर मुख्यमंत्री देवेंद्र फडणवीस बनणार असे ठरले होते. त्यानुसार युतीतून आम्ही लढलो आणि निवडून देखील आलो. पण खुर्चीसाठी त्यांनी (ठाकरेंनी) आमची साथ सोडली. साथ तर सोडात फोनवरही बोलणे बंद केले.त्यामुळे मला वाटते रस्ते आम्ही नाही तर त्यांनीच बंद केल्याचे देवेंद्र फडणवीस यांनी यावेळी सांगितले.

हे ही वाचा : ‘पवारांच्या तोंडून सत्य.. गुगलीमुळे माझ्याऐवजी त्यांचे पुतणेच..’, फडणवीसांचा पलटवार

उद्धव ठाकरेंनी आमची साथ सोडून पाठीत खंजीर खुपसला.त्यावेळी राष्ट्रवादीच्या काही नेत्यांनी आमच्यासोबत सत्तास्थापनेची तयारी दर्शवली. आम्ही शरद पवार यांच्यासोबत देखील चर्चा केली. शरद पवार यांनीही याला मंजूरी दिली. शरद पवार यांच्या मंजुरीनंतरच मी आणि अजित पवार यांनी सर्व गोष्टी ठरवल्या असे देवेंद्र फडणवीस यांनी सांगितले. त्यानंतर अचानक शरद पवार यांनी माघार घेतली. या माघारीचे कारण त्यांनी सांगावे, असे देखील फडणवीस म्हणाले आहेत. पण अजित पवार यांनी पुढाकार घेऊन आम्ही शपथ घेतली. त्यानंतर सर्वोच्च न्यायालयात जी केस झाली त्यामध्ये सर्वोच्च न्यायालयाचा जो निर्णय़ आला त्याप्रमाणे अजित पवारचे नेत्यांची आमदारकी रद्द झाली असती. म्हणून ते परत पक्षात गेले. त्यामुळे हा कोणताही अपघात नव्हता, संपुर्ण प्लान केला होता त्यानंतर त्याला अपघात ठरवले गेले, असा गौप्यस्फोट देखील फडणवीसांनी केला.

हे ही वाचा : ‘ती जाहिरात म्हणजे मूर्खपणा होता…’, अखेर देवेंद्र फडणवीस मनातलं बोललेच!