NCP: शरद पवारांच्या कारवाईवर प्रफुल पटेल स्पष्टच म्हणाले, ‘नाही….”

राष्ट्रवादीच्या शपथविधीनंतर काही संघटनात्मक निर्णय़ घेण्यासाठी उप मुख्यमंत्री अजित पवार, प्रफुल पटेल, छगन भूजबळ आणि सुनील तटकरे यांनी पत्रकार परीषद बोलावली होती.या पत्रकार परीषदेत शरद पवारांचा निर्णय लागू होतो की नाही, असा सवाल विचारण्यात आला होता.यावर प्रफुल पटेल म्हणाले, नाही… यामागचे कारण म्हणजे, आमच्या निर्णयाला राष्ट्रवादी कॉंग्रेसच्या बहुसंख्य लोकांनी पाठिंबा दिलेला आहे. लोकशाहीमध्ये बहुमताने घेतलेला निर्णय वैध आहे. कोणी त्याला बदलू शकते असे नाही, असे प्रफुल पटेल म्हणाले आहेत. तसेच असा वाद होऊ नये अशी आमचीही इच्छा आहे. आणि आम्ही मनापासून त्यासाठी प्रयत्न देखील करणार आहोत, हे वाद होता कामा नये, असे देखील प्रफुल पटेल म्हणाले आहेत.

आमच्याकडे आमदार असल्याशिवाय अजित दादांची शपथ झालीच नसती, आम्ही पक्ष आहोत म्हणून आम्ही संख्या सांगत नाही. जे लोक पक्षावर अधिकार सांगत आहेत, त्यांनी सांगाव त्यांच्याकडे किती लोक आहेत, असे थेट आव्हानच प्रफुल पटेल यांनी यावेळी दिले. तसेच बहुसंख्य आमदार आमच्यासोबत म्हणून अजित पवार उप मुख्यमंत्री म्हणून इथे बसले आहेत समजलं का, असा दम देखील अजित पवार यांनी भरला.

शरद पवारांची मनधरणी करणार का असा सवाल पत्रकारांनी विचारला होता. यावर प्रफुल पटेल म्हणाले, आमची शरद पवारांना हात जोडून विनंती आहे की, पक्षाचे बहुसंख्य आमदार, वरिष्ठ नेते आणि कार्यकर्त्यांच्या इच्छेचा त्यांनी आदर करावा, असे पटेल यांनीआवाहन केले आहे. याचसोबत शरद पवारांचा आशिर्वाद आमच्यावर आणि पक्षावर असावा अशी आमची इच्छा आहे, असे देखील प्रफुल पटेल म्हणाले आहेत.