शरद पवारांच्या गुगलीनंतर अवघ्या महाराष्ट्राचे लक्ष सिल्व्हर ओककडे…

शरद पवार यांनी अचानक निवृत्तीची घोषणा करताच राष्ट्रवादीच्या नेत्यांना मोठा धक्का बसला. शरद पवार यांच्या या निर्णय़ानंतर अनेक नेत भावूक झाले होते. यामध्ये अजित पवार वगळता अनेकांनी पवारांच्या निर्णय़ानंतर आपली भूमिका मांडत राजीनामा मागे घेण्याची मागणी केली होती. तर अजित पवार यांनी शरद पवारांच्या निर्णय़ स्विकारल्याचे त्याच्या प्रतिक्रियेतून दिसून आले होते. तब्बल दीड तास राष्ट्रवादीच्या बड्या नेत्यांनी शरद पवारांची मनधरणी करण्याचा प्रयत्न केला. मात्र शरद पवार आपल्या भूमिकेवर ठाम होते. या सर्व घडामोडीत प्रफुल पटेल यांनी शरद पवार राजीनामा मागे घेतील की नाही?यावरील निर्णय़ सिल्व्हर ओकवर होईल अशी माहिती दिली. शरद पवार यांच्याशी आता राष्ट्रवादीचे बडे नेते चर्चा करणार आहे.या चर्चेनंतर मोठा निर्णय़ येण्याची शक्यता आहे.

शरद पवार आता व्हाय बी सेंटरवरून सिल्व्हर ओकच्या दिशेने निघाले आहेत. सिल्व्हर ओकवर आता राष्ट्रवादीचे आमदार रोहित पवार देखील दाखल झाले आहेत. ठाकरे गटाचे प्रमुख उद्धव ठाकरे देखील शरद पवार यांची निवासस्थानी भेट घेणार आहे. तसेच सिल्व्हर ओकवर शरद पवार आणि राष्ट्रवादीच्या बड्या नेत्यांमध्ये सायंकाळी बैठक होणार आहे. या बैठकीत राष्ट्रवादीचे बडे नेते शरद पवार यांची पुन्हा राजीनामा मागे घेण्यासाठी मनधरणी करणार आहेत.आता या बैठकीकडे राष्ट्रवादीसह राजकीय वर्तुळाचे लक्ष लागले