ठाकरे-पवार भेट : सिल्व्हर ओकच्या बंद दाराआड ‘बिघाडी’वर चर्चा की नवं राजकारण?

मुंबई : शिवसेना (UBT) पक्षप्रमुख उद्धव ठाकरे (Uddhav Thackeray) यांनी राष्ट्रवादी काँग्रेसचे (NCP) अध्यक्ष शरद पवार (Sharad Pawar) यांची भेट घेतली. ठाकरे स्वत: पवार यांच्या भेटीसाठी त्यांच्या ‘सिल्व्हर ओक’ निवासस्थानी पोहचले होते. एबीपी माझा वृत्तवाहिनीला दिलेल्या मुलाखतीमध्ये शरद पवार यांनी ठाकरे यांच्या राजीनाम्याबाबत व्यक्त केलेली नाराजी, तसंच फडतूस-काडतूस वादावरुनही ठाकरे यांना सुनावलेले खडे बोल या पार्श्वभूमीवर ही भेट असल्याचं बोललं गेलं. ठाकरे-पवार भेटीवेळी खासदार सुप्रिया सुळे आणि खासदार संजय राऊतही उपस्थित होते. दरम्यान या भेटीनंतर ठाकरे आणि राऊत या दोन्ही नेत्यांनी माध्यमांना कोणतीही प्रतिक्रिया न देता निघून गेले. (Shiv Sena (UBT) chief Uddhav Thackeray met NCP president Sharad Pawar at his Silver Oak residence)