महिला क्रिकेटपटू वेदा कृष्णमूर्तीवर दु:खाचा डोंगर, बहिण-आईला कोरोनामुळे गमावलं

दोन आठवड्यांपूर्वी वेदा कृष्णमूर्तीच्या आईचं कोरोनामुळे निधन झालं. यानंतर वेदाची मोठी बहीण वत्सला कृष्णमूर्ती यांची तब्येतही कोरोनाची लागण झाल्यामुळे खराब झाली. बंगळुरुतील एका हॉस्पिटलमध्ये वत्सला यांच्यावर उपचार सुरु होते. बुधवारी वत्सला यांना ICU मधून जनरल वॉर्डात शिफ्ट करण्यात आलं. परंतू अवघ्या काही तासांत वत्सला यांचं निधन झालं. अवघ्या दोन आठवड्यात आई आणि बहिण अशा दोन महत्वाच्या व्यक्तींना गमवावं लागल्यामुळे वेदावर सध्या दुःखाचा डोंगर कोसळला आहे.

Appreciate all the messages I have received about the loss of my Amma. As you can imagine my family is lost without her. We now pray for my sister. I have tested negative & appreciate if you can respect our privacy. My thoughts & prayers go out to those going through the same!!

— Veda Krishnamurthy (@vedakmurthy08) April 24, 2021

वत्सला यांच्या पतीचं काही वर्षांपूर्वी निधन झालं होतं. त्यातच वत्सला यांची कोरोनाशी झुंज अपयशी ठरल्यानंतर त्यांच्या मुलांना सांभाळून धीर देणं सध्या महत्वाचं असल्याचं वेदा कृष्णमूर्तीच्या जवळच्या नातेवाईकांनी सांगितलं. गेल्या महिन्यात वेदाची कोरोना टेस्ट निगेटीव्ह आली होती. आपल्या आईच्या निधनाची बातमी सोशल मीडियावर पोस्ट करुन वेदाने खडतर काळात साथ दिल्याबद्दल सर्वांचे आभार मानले होते.