Personal Finance: फक्त 1000 रुपयांची दरवर्षी गुंतवणूक, तुमच्या मुलांचं कल्याणच होईल!

या योजनेचा व्याजदर तब्बल 9.5% ते 10% दरम्यान आहे, ज्यामुळे मुलांच्या भविष्यासाठी हा एक मजबूत आर्थिक साधन बनतं. याद्वारे, पालक मुलांसाठी केवळ मोठा निवृत्ती फंड तयार करू शकत नाहीत तर त्यांना बचतीची सवय लावण्यास देखील मदत करू शकतात.

या योजनेचा लाभ कोण घेऊ शकतं?

कोणताही भारतीय अल्पवयीन व्यक्ती एनपीएस वात्सल्य योजनेत सामील होऊ शकतो. खाते मुलाच्या नावाने उघडले जाईल, जे पालक चालवतील.

गुंतवणूक सुरू होण्यासाठी आवश्यक कागदपत्रे

• मुलाच्या जन्मतारखेचा पुरावा (जन्म प्रमाणपत्र, शाळा सोडल्याचा दाखला, पॅन कार्ड इ.).
• पालकाचे केवायसी (आधार, पासपोर्ट, मतदार ओळखपत्र, ड्रायव्हिंग लायसन्स इ.).
• पालकाचे पॅन कार्ड किंवा फॉर्म 60.
• एनआरआय किंवा ओसीआय प्रकरणांमध्ये, मुलाचे एनआरय/एनआरओ बँक खाते असणे आवश्यक आहे.

किमान गुंतवणूक आणि पैसे काढण्याचे नियम

1. किमान वार्षिक गुंतवणूक: ₹ 1000
2. आंशिक पैसे काढणे: 3 वर्षांनंतर, शिक्षण, उपचार किंवा 75% पेक्षा जास्त अपंगत्व यासारख्या विशेष परिस्थितींसाठी.
3. गुंतवणूक रकमेच्या जास्तीत जास्त 25% रक्कम काढता येते (परतावा वगळून).

गुंतवणूक आणि बाहेर पडण्याचे पर्याय

• चार मालमत्ता वर्ग
• ई (इक्विटी): NSE/BSE च्या टॉप 200 कंपन्यांचे शेअर्स.
• सी (कॉर्पोरेट बाँड्स): बाँड्स आणि डिबेंचर्स.
• जी (सरकारी सिक्युरिटीज): सरकारी आणि राज्य विकास कर्जे.
• अ (पर्यायी मालमत्ता): इतर मालमत्ता.

ही योजना का आहे खास?

80% रक्कम वार्षिकी खरेदी करण्यासाठी वापरली जाईल आणि 20% रक्कम एकरकमी म्हणून काढता येईल. ही योजना मुलांना आर्थिक शिस्त शिकवण्याची आणि त्यांचे भविष्य सुरक्षित करण्याची एक अनोखी संधी प्रदान करते.